រឿងរ៉ាវប្លែកៗ និង អស្ចារ្យទាំង៧យ៉ាងរបស់បុរសមានជាងគេលើលោក គឺ«Bill Gates» ប្រហែលជាអ្នកមិនដឹង
អ្នកណាដែលថាមិនស្គាល់លោក Bill Gates ? លោកជាមហាសេដ្ឋីសឹងតែគ្មានអ្នកតាមទាន់ ក្នុងសតវត្សទី២១នេះ។ តើលោកអាចមានរឿងចម្លែកៗអ្វីខ្លះ សម្រាប់ចែកជូន អ្នកទាំងអស់គ្នាឲ្យបានដឹង?
១) អាយុទើបតែ១៣ឆ្នាំ តែលោកអាចបង្កើតកម្មវិធីកុំព្យូទ័រ បាន៖ ទើបតែអាយុ១៣ឆ្នាំសោះ លោកបានចាប់ដៃគូជាមួយមិត្តរបស់លោក ឈ្មោះAllen (Microsoft co-founder) បង្កើតកម្មវិធីហ្គេមមួយឈ្មោះ «a tic-tac-toe» ។
២) លោករៀបចំកម្មវិធីសិក្សានៅសាលា ដោយដាក់ខ្លួនឯងរៀនតែជាមួយសិស្សស្រីប៉ុណ្ណោះ៖ The Lakeside School បានជ្រើសរើសលោក ឲ្យរៀបចំកាលវិភាគថ្នាក់រៀនតាមប្រព័ន្ធកុំព្យូទ័រ ដោយពេលនោះលោកបានដាក់ឲ្យខ្លួនឯងរៀនក្នុងថ្នាក់មួយ ដែលមានសុទ្ធតែសិស្សស្រីអង្គុយព័ទ្ធជុំវិញ។
៣) លោក ប្រឡងបានពិន្ទុសឹងមិនគួរឲ្យជឿ៖ វាជាការប្រលងវាស់ស្ទង់សមត្ថភាព ដើម្បីចូលរៀនសាកលវិទ្យាល័យ ហើយលោក ទទួលបានពិន្ទុ ១,៥៩០ លើ ១,៦០០ សម្រាប់មុខវិជ្ជាSAT នៅសហរដ្ឋអាមេរិក។
៤) ពីដើមឡើយលោកជាសិស្សផ្នែកច្បាប់៖ ពីដើមឡើយ លោក មានបំណង រៀនផ្នែកច្បាប់តែ ដើម្បីបន្តដំណែងជាមេធាវី ពី ប៉ាលោក។ តែពេលឡើងដល់ឆ្នាំទី២ លោកកែប្រែចិត្ត ហើយរៀនផ្នែកវិទ្យាសាស្ត្រកុំព្យូទ័រវិញ។
៥) លោកធ្លាប់ចាប់ខ្លួន២ដងពាក់ព័ន្ធករណីការបើកបរខុសច្បាប់៖ ក្នុងឆ្នាំ១ ៩៧៥ លោកមានអាយុ១៩ឆ្នាំ ហើយត្រូវបានប៉ូលិសចាប់ខ្លួន ដោយសារបើកបរគ្មានពាក់ មីត្រឹមត្រូវ។ លើកទី២ម្ដងទៀត ដោយសារការបើកបររំលោភបំពានគេ ហើយគ្មានពាក់ មីដដែលទៀត។
៦) ប្រពន្ធលោកធ្លាប់ធ្វើការឲ្យលោកពីមុន៖ បន្ទាប់ពីបញ្ចប់ការសិក្សា ភ្លាម លោកស្រី Melinda Gates ចាប់ផ្ដើមការងារដំបូងនៅក្រុមហ៊ុន Miscrosoft ។ អ្នកទាំង២បានជួបគ្នាកំឡុងពេលប្រជុំ បន្ទាប់មកក៏បានជួបម្ដងទៀត នៅកន្លែងចតឡាន រួចលោក Bill Gates ក៏បានណាត់លោកស្រីចេញទៅក្រៅតែម្ដង។
៧) ថ្ងៃមង្គលការលោក លោកបានជួលបន្ទប់សណ្ឋាគារទាំងអស់ដើម្បីកុំឲ្យរញ៉េរញ៉ៃ៖ លោកបានជួលបន្ទប់ទាំងអស់តែម្ដងនៅសណ្ឋាគារManele Bay Hotel រដ្ឋHawaii។ កំឡុងពេលនោះ លោកជាមហាសេដ្ឋីលំដាប់ទី២នៅអាមេរិក៕
ប្រែសម្រួល៖ ព្រំ សុវណ្ណកណ្ណិកា ប្រភព៖ entrepreneur
