អ្នកវិទ្យាសាស្ត្ររកឃើញថា «ឈ្លោះគ្នាជាមួយសង្សារលើបញ្ហាតូចតាច» បង្ហាញថា វាជាស្នេហាល្អ
ការឈ្លោះគ្នាឬការជំទាស់គំនិតគ្នាគឺជាជៀសមិនផុតនោះឡើយក្នុងរឿងរ៉ាវស្នេហារបស់មនុស្សម្នាក់ៗ។ ប៉ុន្តែ តើនរណាម្នាក់ដែលប្រាប់អ្នកថាការឈ្លោះគ្នាជាមួយដៃគូមានន័យថាស្នេហារបស់អ្នកមិនល្អ? ឫការមិនយល់ព្រមគ្នាបង្ហាញពីភាពមិនចុះស្រុះនឹងគ្នា? តាមការរកឃើញរបស់អ្នកវិទ្យាសាស្ត្របានបង្ហាញឲ្យឃើញថា វាជាសញ្ញាមួយដ៏ល្អទៅវិញនោះទេ។ ខាងក្រោមនេះជាហេតុផល៖
១) ស្នេហាមិនមែនជាផ្លូវមួយដែលស្រួលដើរនោះទេ៖ តាមការពិតទៅ វាអាស្រ័យទាំងស្រុងទៅលើការគិតរបស់បុគ្គលម្នាក់ៗ។ អ្នកខ្លះគិតថាការឈ្លោះគ្នាគឺសញ្ញាអវិជ្ជមាននិងភាពមិនចុះសម្រុះគ្នាជាមួយអ្នកមនុស្សដែលយើងស្រឡាញ់។ តាមការសិក្សា ស្នេហាមួយដែលល្អគឺមានការទាស់គ្នាជាប្រចាំថ្ងៃ វាជារឿងធម្មតាក្នុងដំណើរជីវិត មនុស្សពីរនាក់តែងតែជួបប្រទះនូវគំនិតផ្សេងគ្នា។
២) ការឈ្លោះគ្នាក៏ជួយឲ្យស្នេហាកាន់តែគង់វង្ស៖ ជារឿងធម្មតានោះទេ មនុស្សគ្រប់គ្នាតែងតែមានថ្ងៃមិនល្អ អារម្មណ៍មិនល្អ។ មានពេលខ្លះ យើងប្រើប្រាស់ពាក្យមិនសមគួរទៅកាន់ដៃគូរបស់យើង។ ជាពិសេស ការបង្ហាញពីទស្សនៈរបស់អ្នកខុសពីដៃគូរបស់អ្នកក៏ដោយ វាប្រសើរដែលអ្នកបញ្ចេញមតិជាជាងលាក់ទុកក្នុងចិត្ត ហើយឲ្យដៃគូកាត់ន័យដោយខ្លួនឯង។ ការយល់ច្រឡំងាយនឹងកើតឡើងណាស់។ ដូច្នេះហើយ ប្រសិនជាអ្នកនៅតែគិតថាការឈ្លោះគ្នាជាសញ្ញាមិនល្អ សូមគិតម្តងទៀត។ តាមការពិតទៅ វាជាសញ្ញាមួយយ៉ាងល្អដែលបង្ហាញថាដៃគូរបស់អ្នកបារម្ហនិងស្រឡាញ់អ្នកទៅវិញនោះទេ៕
ប្រែសម្រួល៖អុឹង មុយយូ ប្រភព៖ www.lifehack.org
