ហេតុអ្វីមនុស្សភាគច្រើននៅតែមិនអាចបំភ្លេចស្នេហ៍គ្រាដំបូង បើទោះបីជាឥឡូវមានស្នេហាថ្មី?
អ្នកមិនដឹងឡើយ ថាស្នេហាគ្រាដំបូងមានឥទ្ធិពលកម្រិតណាលើការចងចាំរបស់អ្នកទេ។ មិនថាអ្នក បែកបាក់ពីស្នេហានោះយូរយ៉ាងណាក្ដី ក៏អ្នកនៅតែចាំវា គ្មានថ្ងៃភ្លេចដែរ។ ខាងក្រោមនេះជាមូលហេតុដែលអ្នកចង់ដឹង៖
១) បទពិសោធន៍លើកទី១ដែលអ្នកបាន៖ វាជារឿងធម្មតាទេ ដែលស្នេហាលើកដំបូងក្នុងឆាកជីវិតគឺមានឥទ្ធិពលសម្រាប់អ្នកនោះ ។ ពីមុនឡើយ អ្នកមិនស្គាល់ថាស្នេហានោះជាអ្វីទេ តែដោយសារគេម្នាក់នោះហើយបានបង្រៀននិងផ្ដល់បទពិសោធន៍ដល់អ្នក។ ម្ល៉ោះហើយ តើអ្នកអាចភ្លេចបានយ៉ាងណាទៅ?
២) ការចងចាំនោះនឹងនៅជាមួយអ្នករហូត៖ អាចថាអ្នកធ្លាប់មានស្នេហា២ឬ៣កន្លងមកហើយ តែអ្នកមិនសូវជាចងចាំសកម្មភាពជាមួយគេខ្លាំងប៉ុន្មានទេ ។ តែបើស្នេហ៍គ្រាដំបូងវិញ អ្នកមិនដែលភ្លេចថាបានធ្វើអ្វី និងឆ្លងកាត់អ្វីខ្លះនោះ សូម្បីបន្ដិច។
៣) អ្នកនៅតែចាប់អារម្មណ៍ ពីសង្សារទី១អ្នករហូត៖ អ្នកតែងតែមានអារម្មណ៍ថានឹកនា គេ ទោះបីអ្នកមិន អាចវិលត្រឡប់ទៅវិញក្ដី។ អ្នកតែងចង់ដឹងពីរឿងគេ តើគេធ្វើអ្វី ? តើគេសុខឬយ៉ាងណា? តើគេមានអ្នកថ្មីល្អហើយឬនៅ?
៤) វាជាការបែកបាក់ស្នេហាលើកទី១សម្រាប់អ្នក៖ វាក៏ជាស្នេហា ដំបូង ហើយក៏ជាការបែកបាក់ស្នេហាដំបូងរបស់អ្នកដូចគ្នា។ ដូចនេះ វាមានឥទ្ធិពលខ្លាំងដោយសារ វាធ្វើឲ្យអ្នកស្គាល់ក្ដីសុខ និងការខូចចិត្តក្នុងពេលតែមួយ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ allwomenstalk
