ទម្លាប់ការងារអាក្រក់ទាំង ៤យ៉ាងដែលអ្នកត្រូវឈប់ជាបន្ទាន់!
តើអ្នកធ្វើការយូរហើយ ឬនៅ? វាតែងតែមានចំណុចល្អនិងចំណុចអាក្រក់នៃការបំពេញការងាររបស់អ្នកមែនទេ? ក្រោយពីធ្វើការច្រើនខែច្រើនឆ្នាំនៅកន្លែងការងារណាមួយ អ្នកមានអារម្មណ៍ថា ស្រួល។ ដោយសារតែអារម្មណ៍ស្រួលមួយនេះហើយ មនុស្សជាច្រើនចាប់ផ្តើមមានទម្លាប់អាក្រក់ទៅវិញ។ ខាងក្រោមនេះ ជាទម្លាប់ការងារអាក្រក់ទាំង៤យ៉ាងដែលអ្នកត្រូវឈប់ជាបន្ទាន់៖
១) មកធ្វើការយឺត៖ ទោះបីជាអ្នកមិនមានទម្លាប់ងើបពីព្រលឹមក៏ដោយ អ្នកត្រូវតែងើបឲ្យលឿនប្រសិនជាអ្នកនៅចង់បានការងារមួយនេះ។ ការមកយឹតជាញឹកញាប់បង្ហាញពីភាពគ្មានវិន័យក្នុងខ្លួន គ្មានទំនួលខុសត្រូវនិងមិនគោរពដល់មេរបស់អ្នក។ ប្រសិនជាអ្នកមានបញ្ហាពិតជាមិនអាចមកលឿនបាន អ្នកត្រូវពិគ្រោះជាមួយមេរបស់អ្នកអំពីម៉ោងធ្វើការម្តងទៀត។ រឿងមួយទៀត មិនមែនពេលចូលធ្វើការងារដំបូងមកលឿនទាន់ពេលរហូតតែដល់ពេលបានធ្វើការមួយរយៈមកបែរជាផ្លាស់ប្ដូរមកយឿតវិញ នោះអ្នកត្រូវតែផ្លាស់ប្ដូរជាបន្ទាន់។
២) ស្លៀកពាក់មិនសមរម្យ៖ អ្នកគួរតែស្លៀកពាក់ឲ្យមានសមរម្យនៅកន្លែងធ្វើការ។ វាគ្មានលេសអ្វី ទាំងអស់ក្នុងការស្លៀកពាក់មិនសមរម្យនៅក្រុមហ៊ុន។ ការស្លៀកពាក់របស់អ្នកនឹងបង្ហាញថាអ្នកយកចិត្តទុកដាក់នឹងការងារដល់កម្រិតណា។
៣) បដិសេធមិនធ្វើការជាមួយអ្នកដទៃ៖ ទោះបីជាអ្នកមិនពេញនឹងមិត្តរួមការងារក៏ដោយ តែអ្នកត្រូវតែសហការគ្នាឲ្យបានល្អ។ ការមិនសហការជាមួយមិត្តរួមការងារគឺអ្នកកំពុងតែសម្លាប់ការងារខ្លួនឯង។
៤) សម្រាកច្រើនពេក៖ វាមិនជាបញ្ហាអ្វីទេក្នុងការសម្រាកឬដើរចេញពីតុការងារមួយភ្លែតពីព្រោះថាវាអាចបង្កើនផលិតភាពក្នុងការងារ។ ប៉ុន្តែ អ្នកក៏មិនគួរសម្រាកច្រើនពេកផងដែរ។ អ្នកគួរតែពង្រឹងវិន័យរបស់អ្នកឡើងវិញ៕
ប្រែសម្រួល៖ អ៊ឹង មុយយូ
ប្រភព៖ www.lifehack.org
