ទស្សនអ្នកប្រាជ្ញចិន ខុង ជឺ៖ «សូមកុំធ្វើរឿងណា ដែលអ្នកមិនចង់ឲ្យអ្នកដទៃធ្វើរឿងហ្នឹងមកលើអ្នកវិញ»
«សូមកុំធ្វើរឿងណា ដែលអ្នកមិនចង់ឲ្យអ្នកដទៃធ្វើរឿងហ្នឹងមកលើអ្នក»។ នេះជាទស្សនរបស់ លោក ខុង ជឺ ដែលជាអ្នកប្រាជ្ញរបស់ចិនជំនាន់ដើម ដែលក្នុងន័យនេះលោកចង់បង្រៀនមនុស្សឲ្យចេះគិត មុននឹងធ្វើអ្វីមួយ ជាពិសេសត្រូវគិតថា វាប៉ះប៉ះពាល់ដល់គេកម្រិតណា ហើយបើគេធ្វើបែបហ្នឹងលើអ្នកវិញ
តើអ្នកសប្បាយចិត្តឬអត់។ ចង់ឲ្យគេធ្វើល្អដាក់ខ្លួន ហើយទាំងខ្លួនមិនដែលធ្វើល្អដាក់គេ និង ការធ្វើអាក្រក់ដាក់គេប៉ុណ្ណាក៏មិនអី ឲ្យកុំតែគេធ្វើអាក្រក់ដាក់ខ្លួន គឺជាគំនិតដ៏អាក្រក់មួយដែលនាំឲ្យមានទិដ្ឋភាពមិនល្អក្នុងសង្គម។ មនុស្សប្រភេទនេះ គឺមិនអាចចាត់ចូលជាប្រភេទមនុស្សដែលមានតម្លៃ និង ពិភពលោកត្រូវការនោះទេ ព្រោះទុកក៏មិនចំណេញ ដកចេញក៏មិនខាត។
ទុកក៏មិនចំណេញ ដកចេញក៏មិនខាត ព្រោះមនុស្សប្រភេទនេះ គិតតែពីប្រយោជន៍ផ្ទាល់ខ្លួន ហើយឲ្យតែចំណេញដល់ខ្លួន ទោះនរណាកើតទុក្ខ ឬ ឈឺចាប់ប៉ុណ្ណាក៏មិនខ្ចីឈឺក្បាល។ ដើម្បីកែប្រែភាពទិដ្ឋភាពមិនល្អខាងលើ យើងគួរចងចាំរបស់ទស្សនខុង ជឺ ខាងលើលើ(«សូមកុំធ្វើរឿងណា ដែលអ្នកមិនចង់ឲ្យអ្នកដទៃធ្វើរឿងហ្នឹងមកលើអ្នក»)។
នៅពេលដែលអ្នកចេះមានអារម្មណ៍ថា មិនគួរធ្វើរឿងហ្នឹងលើអ្នកដទៃឡើយ ព្រោះអ្នកក៏មិនចង់ឲ្យអ្នកដទៃធ្វើរឿងហ្នឹងមកលើអ្នកវិញដែរ នោះ មនុស្សម្នាក់ៗនឹងរស់នៅជាមួយតម្លៃយ៉ាងខ្ពង់ខ្ពស់ ហើយអាចរស់នៅបានយ៉ាងសុខសាន្ត មុនពេលចាក់លោកទៅ៕
ដោយ៖ រតនា វិចិត្រ
