ឱកាសប្រកួតប្រជែងបង្កើតវីដេអូអប់រំស្ដីពីការបោះឆ្នោត ជ្រើសរើសក្រុមប្រឹក្សាឃុំ សង្កាត់ ដើម្បីឈ្នះរង្វាន់ទូរស័ព្ទស្មានហ្វូន
សម្រាប់លោកអ្នកដែលចង់បញ្ចេញសមត្ថភាពក្នុងការផលិតវីដេអូខ្លីបែបអប់រំ អាចចូលរួមការប្រកួតប្រជែងផលិតវីដេអូ អប់រំខ្លីស្ដីពីការបោះឆ្នោតជ្រើសរើសក្រុមប្រឹក្សាឃុំសង្កាត់ រួចផ្ញើមកកាន់ការិយាល័យ JICA នៅ គ.ជ.ប ដែលរយៈពេលនៃការប្រកួតធ្វើឡើងចាប់ពីថ្ងៃទី ២១ ខែ កុម្ភៈ ដល់ថ្ងៃទី ២៩ ខែមិនា ឆ្នាំ ២០១៧ ដើម្បីឈ្នះរង្វាន់ជាច្រើន។
លោកអ្នកដែលមានចំណាប់អារម្មណ៍ក្នុងការចូលរួមក្នុងការប្រកួតប្រជែងនេះ ត្រូវគោរពតាមលក្ខខណ្ឌដូចជា ទី១ ជាប្រជាពលរដ្ឋរស់នៅប្រទេសកម្ពុជា(អ្នកចូលរួមម្នាក់/មួយក្រុម អាចដាក់ជូនជាវីដេអូមួយតែប៉ុណ្ណោះ។ ទី២ មន្ត្រី និងសមាជិកគ្រួសាររបស់មន្ត្រី គ.ជ.ប និងមន្ត្រីរបស់ JICA មិនអាចចូលរួមក្នុងកម្មវិធីប្រកួតនេះទេ។
ចំពោះការផលិតវីដេអូវិញ លោកអ្នកត្រូវគោរពតាមលក្ខខណ្ឌដូចខាងក្រោម៖
១) វីដេអូត្រូវមានរយៈពេលតិចជាង ១ នាទី
២) វីដេអូត្រូវធ្វើជាភាសាខ្មែរ (បើមានអក្សររត់ពីក្រោម ជាភាសាអង់គ្លេសទៀតកាន់តែប្រសើរ)
៣) វីដេអូត្រូវមានតែព័ត៌មានពិត ត្រឹមត្រូវ
៤) មិនអនុញ្ញាតឱ្យប្រើប្រាស់ស្លាក logo របស់គ.ជ.ប ឬ JICA ឡើយ។
សម្រាប់វីដេអូផ្សព្វផ្សាយអំពីការបោះឆ្នោត ជ្រើសរើសក្រុមប្រឹក្សាឃុំ សង្កាត់ល្អជាងគេចំនួន៣ នឹងត្រូវបានជ្រើសរើស ហើយរង្វាន់វិញ គឺមានដូចជា ទូរស័ព្ទស្មាតហ្វូន និង ការបង្ហោះស្នាដៃវីដេអូម្ចាស់ជ័យលាភី ទៅក្នុងបណ្ដាញផ្សព្វផ្សាយរបស់គ.ជ.ប។
ការប្រគល់រង្វាន់ នឹងធ្វើឡើងនៅថ្ងៃទីថ្ងៃទី ៥ ខែមេសា ឆ្នាំ ២០១៧ ក្នុង សិក្ខាសាលាស្តីពីបច្ចេកទេសនៃការផលិតវីដេអូដែលនឹងចាប់ផ្ដើមពីម៉ោង ៤:០០ រសៀល នៅផ្សារទំនើប AEON (ហើយការប្រគល់រង្វាន់ធ្វើឡើងនៅម៉ោង ៦:៣០ ល្ងាច)។
បញ្ជាក់៖ បង្ហោះវីដេអូចូលក្នុង Youtube ផ្ទាល់ខ្លួន (ការកំណត់: អ្នកមានតំណភ្ជាប់ (link)ទើបអាចចូលមើលវីដេអូនោះបាន) ហើយផ្ញើតំណភ្ជាប់នៃវីដេអូនោះមកអ៊ីម៉ែល [email protected] មុន ម៉ោង ៥ ល្ងាច នៅ ថ្ងៃទី ២៩ ខែមិនា ឬក៏ចម្លងជាវីដេអូហើយដាក់ជូនមកការិយាល័យ JICA នៅ គ.ជ.ប ឱ្យបានមុនម៉ោង ៥ ល្ងាចនៅថ្ងៃទី ២៩ ខែមិនា ។ សម្រាប់ព័ត៌មានបន្ថែម អ្នកចូលរួមត្រូវ ផ្ដល់ឈ្មោះ អាសយដ្ឋានរស់នៅ និងលេខទំនាក់ទំនង៕
ទស្សនាព័ត៌មានលម្អិតនៅក្នុងវីដេអូខាងក្រោម៖
ទស្សនាព័ត៌មានលម្អិតនៅក្នុងវីដេអូខាងក្រោម៖
