​នៅ​ពេល​យើង​​ជ្រើស​រើស​ការងារ​ធ្វើ​ មនុស្ស​ម្នាក់​ៗសម្លឹង​ឃើញ​ពី​​អត្ថប្រយោជន៍​ផ្សេងៗ​គ្នា​ពី​ក្រុមហ៊ុន។ ​មនុស្ស​មួយ​ចំនួន​ឱ្យ​តម្លៃ​ទៅ​លើ​លុយ​ គឺ​សំខាន់​ជាង​អ្វី​ៗ​ទាំង​អស់​ ខណៈ​មួយ​ចំនួន​​ទៀត​ឱ្យ​តម្លៃ​ខ្លាំង​ទៅ​លើ​អត្ថប្រយោជន៍​បន្ថែម​ និង​ទីតាំង​របស់​ក្រុមហ៊ុន (បរិយាកាស ឬ​ចម្ងាយ)។ ​ ​ក្រុមហ៊ុន​របស់​ប្រទេស​អង់គ្លេស​មួយ​មាន​ឈ្មោះ​ថា​ Accident Claims Advice ​បាន​សិក្សា​ និង​ចង​ក្រង​ទិន្នន័យ​មួយ​ដែល​បង្ហាញ​ពី​ប្រទេស​ចំនួន​ ២០​ដែល​បុគ្គលិក​បម្រើ​ការងារ​​មាន​សុភមង្គល​ (សប្បាយ​ចិត្ត) បំផុត​​ផ្អែក​ទៅ​លើ​អ្វី​ដែល​​ទទួល​បាន។ ទិន្នន័យ​ដែល​ក្រុមហ៊ុន​បង្ហាញ​មាន​ ​ពណ៌​បៃតង​ ​​បង្ហាញ​ចំនួន​ថ្ងៃ​ធ្វើ​ការ​ ចំនួន​ម៉ោង​សរុប​ធ្វើ​ការក្នុង​មួយ​ថ្ងៃ​ និង​ចំនួន​ម៉ោង​សរុប​ក្នុង​មួយ​សប្ដាហ៍។ ​ពណ៌​​លឿង​ បង្ហាញ​ពី​ប្រាក់​បៀរវត្សរ៍​ប្រចាំ​ឆ្នាំ​ ពណ៌​ខៀវ​​ បង្ហាញ​ថ្ងៃ​ឈប់​សម្រាក​ និង​ពណ៌​ខៀវ​ចាស់​បង្ហាញ​​ថ្ងៃ​ឈប់​សម្រាក​ដែល​ទទួល​បាន​ប្រាក់​ឈ្នួល។ ​ពណ៌​ទឹក​ក្រូច​បង្ហាញ​ពី​ថ្ងៃ​ឈប់​​ដោយ​ឈឺ​ទទួល​បាន​ប្រាក់​ប្រាក់​ឈ្នួល​ និង​សន្ទស្សន៍​សុភមង្គល​សរុប។ តាម​ទិន្នន័យ​ប្រទេស​ដាណឺម៉ាក​ជាប់​លេខ​ ១​ក្នុង​លោក ខណៈ​ប្រទេស​​កំពុង​អភិវឌ្ឍន៍​ពីរ​​ គឺ​នេប៉ាល់​ និង​កាម៉េរួន​ជាប់​ចំណាត់​ថ្នាក់​ក្នុង​បញ្ជី​ទាំង​ ២០​ប្រទេស​នេះ​ដែរ។ សូម​មើល​តារាង​ខាង​ក្រោម៖ [caption id="attachment_34619" align="aligncenter" width="680"] ទិន្នន័យ​នៃ​ប្រទេស​ទាំង ២០ ដែល​បុគ្គលិក​​ក្រុមហ៊ុន​សប្បាយ​ចិត្ត​បំផុត​រៀប​ចំ​ឡើង​ដោយ Accident Claims Advice ​[/caption]