ក្រុមហ៊ុនជប៉ុន Oji ពង្រីកទីផ្សារលក់ខោទឹកនោមកូនក្មេងមកទីផ្សារកម្ពុជា!
យោងតាមសេចក្ដីប្រកាសព័ត៌មានដែលត្រូវបានដកស្រង់ និងចុះផ្សាយដោយសារព័ត៌មានម៉ាឡេស៊ី Asia Nikkei បានឱ្យដឹងថា ក្រុមហ៊ុនជប៉ុន Oji Holding នឹងចាប់ផ្ដើមបើកទីផ្សារលក់ខោទឹកនោមកូនក្មេងនៅទីផ្សារប្រទេសកម្ពុជា និងវៀតណាមនាពេលឆាប់ៗខាងមុខនេះ។
យោងតាមប្រភពដដែល រោងចក្រក្រុមហ៊ុន Oji ដែលមានមូលដ្ឋាននៅប្រទេសម៉ាឡេស៊ីដែលទើបបើកសម្ពោធកាលពីឆ្នាំ២០១៦ ជាអ្នកផ្គត់ផ្គង់ដល់ទីផ្សារនៅពីរប្រទេសនេះ។ រោងចក្រនៅម៉ាឡេស៊ី ផលិតខោទឹកនោមមានយីហោឈ្មោះ Genki ដែលកំពុងផ្គត់ផ្គង់នៅទីផ្សារម៉ាឡេស៊ី និងមីយ៉ាន់ម៉ា។
ក្រុមហ៊ុន Oji រំពឹងទុកថា នឹងអាចលក់ខោទ្រនាប់ ១០០លាននៅប្រទេសបួន គឺម៉ាឡេស៊ី កម្ពុជា ភូមា និងវៀតណាមនៅក្នុងឆ្នាំនេះ ស្របពេលដែលខ្លួនរំពឹងថា នឹងពង្រីកទីផ្សារដល់ឥណ្ឌា ហ្វីលីពីន និងពង្រីករោងចក្រដែលមានស្រាប់នៅម៉ាឡេស៊ី៕
