ជួបបញ្ហាកុំព្យូទ័រដើរយឺតនៅពេល Start Windows សូមប្រើវិធីងាយៗនេះដើម្បីដោះស្រាយ!
Business Khmer សូមណែនាំនូវគន្លឹះងាយៗ ដើម្បីឱ្យកុំព្យូទ័ររបស់លោកអ្នកដំណើរការបានលឿនជាងមុននៅពេលលោកអ្នកបើកផ្ទាំង Windows ដោយមិនចាំបាច់ចេះជំនាញព័ត៌មានវិទ្យាខ្លាំងនោះទេ។
១) បិទកម្មវិធីដែលមិនចាំបាច់នូវពេលចាប់ផ្ដើម Windows ដំបូង - ចុច Key Window + R ឬ ចុច Key Windows ហើយវាយពាក្យ Run រួចចុច Enter - នៅពេលឃើញផ្ទាំងមួយលោចចេញមក សូមវាយពាក្យ msconfig ហើយ Enter
- ផ្ទាំងមួយទៀតនឹងលោតចេញមក សូមចូលទៅកាន់ពាក្យថា Startup រួចដក់គ្រីសចេញពីកម្មវិធីមួយចំនួនដែលលោកអ្នកមិនចាំបាច់ប្រើ។ - បន្ទាប់មកចុចលើ Apply ហើយចុច OK
- ប្រសិនបើមានផ្ទាំងមួយទៀតចេញមកលោកអ្នកអាចចុច restart ដើម្បីធ្វើការចាប់ផ្ដើម Window សារជាថ្មី ឬ ចុច Exit without restart ដើម្បីបន្តប្រើទៀត។
+ សូមប្រយ័ត្នចំពោះ Driver របស់កុំព្យូទ័រដែលភាគច្រើនមានពាក្យ Realtek HD, Interl(R)... ជាដើមព្រោះបើដក់គ្រីសកម្មវិធីនោះនឹងធ្វើអោយកុំព្យូទ័រលោកអ្នកមានភាពមិនប្រក្រតីដូចនេះលោកអ្នកគួរគ្រីសវាវិញ។
២) ប្រើកម្មវិធី CCleaner ជំនួយដើម្បីសំអាតរាល់ការខុសឆ្គងមួយចំនួនពីក្នុង Registry របស់ Windows Link ដើម្បីទាញយក៖ http://www.filehippo.com/download_ccleaner - ដំឡើងកម្មវិធីនេះរួចបើក - បន្ទាប់មកចូលទៅកាន់ពាក្យថា Registry - រួចចុចពាក្យ Scan for Issues រងចាំអោយប៊ូតុង Fix selected issues.. ឡើងពណ៌ខៀវហើយចុចលើវា។ - បន្ទាប់មកវានឹងសួរលោកអ្នកពីការ Backup សូមចុចពាក្យថា Yes ប្រសិនបើលោកអ្នកចង់ Backup វាទុក នោះវានឹងបង្ហាញ អំពីទីតាំងដែលអ្នកចង់ទុករួចចុច Save ។ បើលោកអ្នកមិនចង់ Backup ទេសូមចុចពាក្យ No រួចវានឹងលោតទៅផ្ទាំងមួយទៀត សូមចុចពាក្យ Fix All Selected Issues រួចចុច Close។
៣)ធ្វើការសម្អាត និងរៀបចំ Hard disk របស់កុំព្យូទ័រយើង - ដំបូងចុច Key Windows ហើយវាពាក្យ Disk Defragmenter ដើម្បីបើកកម្មវិធីនោះ - បន្ទាប់មកវានឹងបង្ហាញផ្ទាំងដែលប្រាប់ពី Drive ដែលលោកអ្នកមាននៅក្នុងកុំព្យូទ័រ - ជ្រើសរើស Drive ណាមួយរួចចុច Defragment disk ហើយរងចាំដល់ដំណើរការបានបញ្ចប់ - សូមធ្វើវិធីដដែលៗនេះអោយបានគ្រប់ Drive របស់លោកអ្នក។ 
សូមបញ្ជាក់ថា គន្លឹះខាងលើត្រូវបានអនុវត្តទៅលើ Window 7 ដោយឡែកចំពោះ Windows ផ្សេងៗទៀតវាមានលំនាំប្រហាក់ប្រហែលនេះខ្លះដែរ៕
