បន្តិចទៀត មិនមែនមានតែ Apple នោះទេ ដែលមានស្នាក់ការធំ អស្ចារ្យលើលោក តែក្រុមហ៊ុន Google ក៏មានស្នាក់ការឡូយមិនចាញ់គ្នាដែរ។ របាយការណ៍ថ្មីនេះ ឱ្យដឹងមកថា ក្រុមហ៊ុន Google មានគម្រោងសាងសង់ស្នាក់ការថ្មី បង្ហាញពីអត្តសញ្ញាណច្បាស់ប្រាកដរបស់ខ្លួននៅលើទឹកដីកំណើតគឺតំបន់ Mountain View នៃរដ្ឋកាលីហ្វូរញ៉ា។
ស្នាក់ការថ្មីរបស់ Google នឹងអស្ចារ្យ ដោយការឌីហ្សាញ និងបណ្ដុះអគារធំៗជាមួយរចនាបថថ្មីប្លែក ស័ក្ដិសមមនុស្សក្នុងយុគសម័យបច្ចេកវិទ្យាជឿនលឿននេះ។ ស្នាក់ការនឹងមានទំហំ 72843.42m²។ នឹងមានការសាងសង់ប្រភេទអគារចម្រុះដូច ដូចជា ភោជនីយដ្ឋាន ហាងកាហ្វេ ហាងលក់ទំនិញ ការបង្កើតឱ្យមានកន្លែងបង្ហាញស្នាដៃសិល្បៈ និងអគារផ្សេងៗទៀត។ ក៏នឹងមានបើកជាប្រភេទហាងផ្លាសា នៅជ្រុងកែងផងដែរ សម្រាប់បម្រើអាហារ ដែលអាចនឹងប្រើសម្រាប់រៀបចំព្រឹត្តិការណ៍សាធារណៈ ដូចជាការប្រគំតន្ត្រីផ្ទាល់ និងពិព័រណ៍បច្ចេកវិទ្យាផ្សេងៗជាដើម។
... ស្នាក់ការរាងដូចថាសហោះរបស់ Apple នឹងមានឈ្មោះ Apple Park ដំបូលអគារក្រាលដោយ Solar ត្រៀមបើកដំណើរការខែមេសាខាងមុខ (Video) ...
នាយកកាន់ផ្នែកអចលនទ្រព្យរបស់ Google លោក John Igoe បានមានប្រសាសន៍ថា គម្រោងនេះ នឹងបង្កើតឱកាស ក្នុងការបើកចំហតំបន់ ទៅជាសហគមន៍ បានកាន់តែទូលំទូលាយ សម្រាប់ស្វាគមន៍មនុស្សកាន់តែច្រើនមកកាន់ទីនេះ។
ស្នាក់ការអស្ចារ្យរបស់ក្រុមហ៊ុនផ្ដល់សេវាកម្មស្វែងរកអនឡាញខ្នាតយក្សនេះ ត្រូវគេរំពឹងថា នឹងលេចចេញរូបរាងនៅអំឡុងឆ្នាំ២០២០ ខាងមុខ៕
... អគារការិយាល័យថ្មីរបស់ Apple តម្លៃ ៥ពាន់លានដុល្លារ ឃើញញាក់សាច់តែម្ដង! ...
ប្រែសម្រួល៖ រឹទ្ធិរាជ
ប្រភព៖ techspot
