ស្នាដៃលេចធ្លោ ៤យ៉ាងរបស់អតីតប្រធានាធិបតីអាមេរិចលោក Obama
លោក Barack Obama បានជាប់ឈ្មោះជាប្រធានាធិបតីសហរដ្ឋអាមេរិក ២ អាណត្ត។ ក្នុងរយៈពេល៨ឆ្នាំដែលលោកកាន់តំណែង លោកបានសម្រេចនូវកិច្ចការធំៗជាច្រើនគួរឱ្យកត់សម្គាល់។ ខាងក្រោមនេះស្នាដៃលេចធ្លោ ៤យ៉ាងដែលលោកបានធ្វើឱ្យសហរដ្ឋអាមេរិកប្រសើរឡើង៖
១) កែទម្រង់ប្រព័ន្ធសុខភាព៖ ប្រធានាធិបតីសហរដ្ឋអាមេរិកប្រាំរូបរួចមកហើយបានបរាជ័យក្នុងការបង្កើនការធានារ៉ាប់រងសុខភាពដល់ប្រជាជនអាមេរិក។ តែនៅឆ្នាំ២០១៤ លោកBarack Obama បានកែប្រែទម្រង់ប្រព័ន្ធសុខាភិបាលដែលជួយកាត់បន្ថយការចំណាយទៅលើសុខភាពរបស់ប្រជាជនអាមេរិកតាមរយៈការបង្កើត Obama Care។
២) ពង្រឹងសេដ្ឋកិច្ចឡើងវិញ៖ នាឆ្នាំ២០០៩ សេដ្ឋកិច្ចនៅប្រទេសអាមេរិកបានធ្លាក់ចុះជាខ្លាំង។ លោកBarack Obama បានជួយបង្កើតការងារដល់ប្រជាជនអាមេរិក។ ក្រោយរយៈពេល ១២ខែនៃការដាក់ចេញគោលនយោបាយរបស់លោក ធ្វើឱ្យចំនួនការងារនៅអាមេរិកកើនឡើង ដែលធ្វើឱ្យសេដ្ឋកិច្ចប្រសើរឡើងមួយកម្រិត។
៣)បញ្ចប់សង្គ្រាមនៅអ៊ីរ៉ាក់៖ លោកBarack Obama បានបញ្ជាកងទ័ពអាមេរិកទាំងអស់ដកចេញពីប្រទេសនេះដើម្បី បញ្ចប់សង្គ្រាមជាស្ថាពរ (ទោះជាយ៉ាងណាសង្គ្រាមប្រឆាំងក្រុមភេរវកម្ម ISIS នៅតែបន្តកើតមានរហូតដល់សព្វថ្ងៃ)។
៤) សុខភាពកុមារ៖ ដោយមានការសហការពីអ្នកស្រី Michelle Obama នាឆ្នាំ២០១០ លោកBarack Obama បានចុះកិច្ចសន្យាផ្តល់ប្រាក់ជំនួយក្នុងទំហំរាប់ពាន់លានដុល្លារសម្រាប់អាហារថ្ងៃត្រង់ដល់កុមារអាមេរិកដែលមានឈ្មោះថា Child Nutrition Bill។ កុមារត្រូវផ្តល់អាហារពីរដងលើសពីធម្មតា។ ម៉្យាងវិញទៀត អាហារត្រូវមានភាពអនាម័យនិងស្តង់ដារនៅកន្លែងសិក្សារបស់កុមារ៕
ប្រែសម្រួល៖ អុឹង មុយយូ ប្រភព៖ www.washingtonmonthly.com
