គន្លឹះទាំង៣យ៉ាងដែលអ្នកអាចលើកទឹកចិត្តសមាជិកក្នុងក្រុមបាន
ការលើកទឹកចិត្តទៅកាន់បុគ្គលិកឲ្យធ្វើការអស់ពីសមត្ថភាពគឺមិនមែនជារឿងងាយស្រួលនោះទេ។ ទោះបីជាអ្នកជាអ្នកដឹកនាំអស់រយៈពេលច្រើនឆ្នាំ អ្នកអាចប្រឈមមុខនឹងការលំបាកក្នុងការបំពេញតម្រូវការរបស់បុគ្គលិកផងដែរ។ ប៉ុន្តែ ជំហានខាងក្រោមនេះនឹងជួយបុគ្គលិកឲ្យបំពេញកិច្ចការបានល្អជាងមុន៖
១)ពេលវេលាអាចបត់បែនបាន៖ បុគ្គលិកជាច្រើនជួបបញ្ហារក្សាលំនឹងរវាងជីវិតផ្ទាល់ខ្លួននិងជីវិតការងារ។ ប្រសិនជាការងារនោះយកពេលវេលាច្រើនពេកពីបុគ្គលិក បុគ្គលិកនឹងមានអារម្មណ៍ចង់ឈប់ពីការងារដើម្បីចំណាយពេលជាមួយមនុស្សដែលខ្លួនស្រឡាញ់។ ដោយសារតែបច្ចេកវិទ្យាមានការរីកចម្រើនផងដែរនោះ ប្រសិនជាអាច អ្នកអាចផ្តល់ឱកាសខ្លះសម្រាប់បុគ្គលិកធ្វើការពីផ្ទះ។
២) ចិញ្ចឹមសត្វនៅកន្លែងធ្វើការ៖ សត្វពិតជាផ្តល់នូវភាពរីករាយជាច្រើនដល់មនុស្ស។ តាមការសិក្សាមួយបានបង្ហាញឲ្យឃើញថាការចិញ្ចឹមសត្វអាចបង្កើនទំនុកចិត្តក្នុងបុគ្គលិក។ លើសពីនេះទៅទៀត សត្វពិតជាអាចជួយសម្រួលចិត្តសាស្ត្ររបស់បុគ្គលិកនិងបង្កើនផលិតភាពក្នុងការងារ។
៣) ប្រារព្ធពិធី៖ ប្រសិនជាបុគ្គលិករបស់អ្នកដឹងថាអ្នកផ្តល់តម្លៃទៅលើការងារដែលពួកគេធ្វើ ពួកគាត់នឹងមានកម្លាំងក្នុងការបំពេញកិច្ចការបន្ទាប់មកទៀត។ អ្នកអាចជប់លៀងកម្មវិធីតូចៗរៀងរាល់អាទិត្យ។ ប្រសិនជាគ្មានការប្រារព្ធអ្វីទេ ពាក្យ«អរគុណ»ក៏អាចជំរុញទឹកចិត្តបុគ្គលិកឲ្យធ្វើការខ្លាំងជាងមុនផងដែរ៕
ប្រែសម្រួល៖ អុឹង មុយយូ ប្រភព៖ www.entreprenur.com
