បើមិនចង់អាយុខ្លី អ្នកត្រូវតែចងចាំ និង អនុវត្តចំណុចសំខាន់ៗទាំងនេះ
ដោយសារតែរបៀបរស់នៅរបស់មនុស្សមានការផ្លាស់ប្តូរខ្លាំងបើប្រៀបធៀបទៅកាលពីមុន វាពិតជាពិបាកក្នុងការដឹងតើអ្នកពិតជាមានសុខភាពល្អអត់។ ប៉ុន្តែ អ្នកក៏អាចត្រួតពិនិត្យសុខភាពរបស់អ្នក លទ្ធផលនៃសុខភាពរបស់អ្នកនឹងបង្ហាញថាអ្នកពិតជាបានថែទាំខ្លួនឯងបានល្អឬក៏អ្នកត្រូវចាប់ផ្តើមគិតពីសុខភាពរបស់អ្នក។ ខាងក្រោមនេះ ជាចំណុចសំខាន់ៗដែលអ្នកត្រូវអនុវត្ត និង ចងចាំ៖
១) ជាតិខ្លាញ់ក្នុងឈាម៖ អ្នកត្រូវប្រាកដថាជាតិខ្លាញ់ក្នុងឈាមរបស់អ្នកមិនលើសពី១០០នោះទេ។
២) ជាតិស្ករក្នុងឈាម៖ កម្រិតក្នុងជាតិស្ករក្នុងឈាមគួរតែតិចជាង១០៧ បើអាចក្រោម១០០នោះគឺកាន់តែល្អ។
៣) ឆ្អឹង ៖ ស្ត្រីគួរតែចាប់ផ្តើមពិនិត្យសុខភាពឆ្អឹងពីវ័យ៤០ឆ្នាំឡើងទៅ ហើយបុរសនៅវ័យ៦០ឆ្នាំ។ប្រសិនជាអ្វីៗនៅល្អ អ្នកគួរតែបន្តការពិនិត្យរៀងរាល់៥ឆ្នាំម្តង។
៤) ថតសុដន់ដោយកាំរស្មី៖ សម្រាប់ការពិនិត្យសុដន់ដោយកាំរស្មី ស្ត្រីដែលមានវ័យចាប់ពី៤០ឆ្នាំឡើងទៅគួរតែធ្វើរៀងរាល់២ឆ្នាំម្តង ពីព្រោះថាស្ត្រីចាប់ពីអាយុនេះប្រឈមមុខខ្ពស់នឹងជំងឺមហារីកសុដន់។
៥) ភ្នែក៖ មិនថាអ្នកអាយុប៉ុន្មាននោះទេ អ្នកគួរតែពិនិត្យរៀងរាល់២ឆ្នាំម្តង៕
ប្រែសម្រួល៖ អុឹង មុយយូ ប្រភព៖ www.lifehack.org
