អស្ចារ្យណាស់ ស្មាតហ្វូន VR ដំបូងគេលើលោក បង្ហាញខ្លួននៅពិព័រណ៍ចិន China Hi-Tech Fair បំពាក់កាមេរ៉ាទំនើប 360ដឺក្រេ! (Video)
មួយឆ្នាំៗ ស្មាតហ្វូនយ៉ាងច្រើនគ្រឿង ត្រូវបានបញ្ចេញលក់នៅលើទីផ្សារ អមដោយលក្ខណៈសម្បត្តិកាន់តែពិសេសជាងមុន និងមានការឌីហ្សាញម៉ូតស្អាតៗដើម្បីទាក់ទាញអតិថិជនចង់ទិញប្រើ។ ស្មាតហ្វូនក្រៅពីមានរចនាបថស្អាតទាន់សម័យហើយនោះ ក្រុមហ៊ុនមួយចំនួន ថែមទាំងបានយកទូរស័ព្ទទាំងនោះមកកែច្នៃបន្ថែមសារធាតុមានតម្លៃផ្សេងៗ ដើម្បីបន្ថែមប្រណីតភាព និងបាញ់គោលដៅដល់អ្នកប្រើប្រាស់ថ្នាក់ខ្ពស់ ឬអ្នកមានទ្រព្យច្រើន។ ជាក់ស្ដែង ស្មាតហ្វូនមួយគ្រឿងនេះ គឺត្រូវបានគេដាំពេជ្រ និងមានកាមេរ៉ាអាចបង្វិលបានដល់ ៣៦០ដឺក្រេ គឺពិតជាពិសេសមែន។ វាមានឈ្មោះថា Darling ជាសមិទ្ធផលថ្មីរបស់ ProTruly។
https://youtu.be/UVT9H6OCt9o
Darling គឺបង្ហាញខ្លួន ក្លាយជាស្មាតហ្វូនដំបូងគេដែលបំពាក់ដោយកាមេរ៉ាពិសេស អាចបង្វិលបានមុំ ៣៦០ដឺក្រេ។ នេះមានន័យថា កាមេរ៉ាតែមួយ គឺអាចប្រើធ្វើជាកាមេរ៉ាមុខក៏បាន កាមេរ៉ាក្រោយក៏បាន ដែលអាចថតរូប និងវីដេអូតាមទិសដៅចង់បាន។ ស្មាតហ្វូន Darling ម៉ូដែលស្តង់ដារមានតម្លៃចាប់ពី ៦០០ដុល្លារ។ ម៉ូដែលស៊េរីខ្ពស់ជាងនេះ តម្លៃអាចដល់ ១៣០០ដុល្លារ។ នេះបើផ្អែកតាមការគេហទំព័រ theverge ខណៈគេហទំព័រ mashable អះអាងថាតម្លៃរបស់ Darling គឺនៅចន្លោះ ៥០០ដុល្លារ ទៅ ៨០០ដុល្លារ។