អ្នកនិពន្ធអាមេរិក Marjory Stoneman Douglas៖ «ត្រូវក្រោកឈរឡើងដើម្បី អ្វីមួយនៅក្នុងពិភពលោកយើងនេះ»
«ត្រូវក្រោកឈរឡើងដើម្បី អ្វីមួយនៅក្នុងពិភពលោកយើងនេះ» ។ នេះជាគតិរបស់លោកស្រី Marjory Stoneman Douglasដែលជាអ្នកនិពន្ធអាមេរិក។ ក្នុងន័យនេះ លោកស្រីចង់ឲ្យមនុស្សទូទៅ ត្រូវតែហ៊ានក្រោកឈរឡើង ដើម្បីធ្វើកិច្ចការអស្ចារ្យណាមួយក្នុងពិភពលោកយើងនេះ ទាន់មានជីវិត។
កើតមកជាមនុស្សគឺពិតជាសំខាន់ ប៉ុន្តែឆាកជីវិតមនុស្សគឺមិនវែងពេកនោះទេ ដូច្នេះហើយ បើអ្នកមិនបានកំណត់គោលដៅច្បាស់លាស់ទេថា ត្រូវរស់នៅដើម្បីធ្វើកិច្ចការអស្ចារ្យណាមួយទេ នោះពេលវេលាមួយថ្ងៃ មួយខែ ឬមួយឆ្នាំនឹងកន្លងផុតទៅយ៉ាងរហ័ស និង គ្មានខ្លឹមសារ។
មនុស្សជាច្រើនដែលជោគជ័យក្នុងលោក គឺសុទ្ធតែដឹងពីគោលដៅដែលខ្លួនត្រូវសម្រេច ដូច្នេះហើយមិនបានមានឧបសគ្គប៉ុណ្ណានោះទេ ពួកគេតែងព្យាយាមជម្នះរហូតបានសម្រេច ដែលធ្វើឲ្យជីវិតរបស់ពួកគេមានតម្លៃ។ មានតម្លៃ ព្រោះបានធ្វើកិច្ចការដ៏អស្ចារ្យ មុនពេលខ្លួនស្លាប់។
ដូច្នេះហើយ គតិរបស់អ្នកនិពន្ធខាងលើនេះ គឺពិតជាមានអត្ថន័យជ្រៅខ្លាំងណាស់ ដែលយើងគួរតែចងចាំ ហើយព្យាយាមអនុវត្ត។ អ៊ីចឹងហើយ មិនថាស្ថិតក្នុងស្ថានភាពណានោះទេ ត្រូវចាំថា ត្រូវតែក្រោកឈរឡើង ដើម្បីធ្វើកិច្ចការអស្ចារ្យណាមួយដែលស្របទៅនឹងស្ថានភាពរបស់អ្នក៕
ដោយ៖ រតនា វិចិត្រ
