ហេតុផលសំខាន់ៗ ដែលនាំឲ្យប្តីប្រពន្ធភាគច្រើនលែងលះគ្នា
គ្មាននរណាម្នាក់ចង់ជួបរឿងបែកបាក់ស្នេហា ជាពិសេសគឺលែងលះគ្នារវាងប្ដីប្រពន្ធនេះឯង។ ហេតុនេះហើយ បានជាអ្នកគួរតែដឹងខ្លះថា តើមូលហេតុចម្បងអ្វី បានជាបណ្ដាលឲ្យប្ដីប្រពន្ធ ឆាប់លែងលះគ្នា?
១) គូស្នេហ៍ដែលមិនសូវចេះនិយាយស្ដី៖ សម្រាប់គូស្នេហ៍ មិនសូវចេះមាត់ករកគ្នា ភាគច្រើននៅជាមួយគ្នាមិនសូវបានយូរឡើយ។ គ្មានអ្នកណាដែលគ្នាបញ្ហាឡើយ ដូចនេះចូរកុំខ្លាច បើសិនជាមានបញ្ហាក្នុងចិត្ត អ្នកគួរបើកចំហ ហើយចេះប្រាប់គ្នាថាអ្នកចង់បានអ្វី ហើយត្រូវកែប្រែអ្វី។ ធ្វើបែបនេះទើបអាចនៅជាមួយគ្នាបានយូរ។
២) មានបញ្ហារឿងលុយ៖ លុយ គឺជាបញ្ហាធំ ដែល ធ្វើឲ្យគ្រួសារបែកបាក់គ្នា។ ហេតុនេះហើយ មុនសម្រេចចិត្តនៅជាមួយគ្នា អ្នកគួរធានាថា អ្នកមានលុយគ្រប់គ្រាន់សម្រាប់រួមរស់ជាមួយគ្នា មិនមែនរស់សម្រាប់តែប៉ុន្មានឆ្នាំទេ តែរស់រហូតដល់ពេលអ្នកមានកូនៗ ទៀតឯណោះ។
៣) ចំណង់ ចំណូលចិត្តខុសគ្នាស្រលះ៖ វាក៏ជាផ្នែកមួយនាំឲ្យមានការបែកបាក់គ្នាដែរ ព្រោះថាបើការចូលចិត្តផ្ទុយគ្នាហើយ អ្នកតែងមានភាពរកាំរកូស ជាប្រចាំតែម្ដង។ ហេតុនេះគឺនៅជាមួយគ្នាមិនបានយូរឡើយ។
៤) រវល់តែរឿងការងារជ្រុល៖ អ្វីដែលល្អគឺ«គ្រួសារមុន» មិនមែន«ការងារមុនទេ»។ អ្នកខំធ្វើការរាល់ថ្ងៃ ក៏ដើម្បី លុយ និងសុភមង្គលគ្រួសារដែរ ។ តែបើគិតតែពីការងារជ្រុលហួសហេតុពេក អ្នកក្លាយជាមនុស្សមុខលុយ ហើយ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ power of positivity
