នៅក្នុងព្រឹត្តិការណ៍ MWC 2017 នេះ Nokia បានបង្ហាញសមិទ្ធផលចេញថ្មីជាស្មាតហ្វូន Android ចំនួន៣ ស៊េរី និងអមដោយទូរស័ព្ទ Nokia 3310 ជំនាន់ថ្មីដែលត្រូវបានរចនាថ្មីប្លែក អេក្រង់កូល័រ និងមានបំពាក់កាមេរ៉ាថែមទៀត។ នេះជាសមិទ្ធផលថ្មីទៀត គួរចាប់អារម្មណ៍ដែរ របស់ Nokia ដែលបានសហការជាមួយក្រុមហ៊ុន HMD Global បន្ទាប់ពីបានបញ្ចេញលក់ Nokia 6 នៅលើទីផ្សារចិន កន្លងទៅ។
+ទូរស័ព្ទ Nokia 3310 ស៊េរីថ្មី (ឆ្នាំ២០១៧)
-ចំពោះរចនាបថមើលពីក្រៅ 3310 ស៊េរីឆ្នាំ២០១៧ គឺមានរូបរាងប្រហាក់ប្រហែលនឹង 3310 ស/ខ្មៅ
-អ្វីដែលពិសេស 3310 ថ្មីនេះ បានបំពាក់មុខងារពិសេសៗដែល Nokia 3310 រៀមច្បងគ្មាន ដូចជាអេក្រង់កូល័រ មុខងារ Wi-Fi, GPS, កម្មវិធីទំនើប (app) និងមានមុខងារឆ្លាតវៃផ្សេងៗទៀត។ ក្នុងនោះ 3310 ស៊េរីឆ្នាំ២០១៧ ថែមទាំងបានបំពាក់មកជាមួយកាមេរ៉ាថតរូបទំហំ 2MP ផងដែរ។ ទូរស័ព្ទនេះមានកម្លាំងថ្ម អាចសន្ទនាទូរស័ព្ទជាប់បានរយៈពេល ២២ម៉ោង ហើយបើបើកទុកចោល (standby) វិញ អាចកាន់ដល់ ១ខែ។ ស
+ងាកមកមើល Nokia 6 វិញ៖
-អេក្រង់ ៥,៥អ៊ីញ (1080x1920)px
-កាមេរ៉ា 16MP / កាមេរ៉ាមុខ 8MP
-បន្ទះឈីប Qualcomm Snapdragon 430 ប្រភេទ Octa-core 1400MHz
-RAM ទំហំ 4GB
-ថ្ម 3000mAh (18h 3G talk time)
-Memory ទំហំ 64GB
-បច្ចេកវិទ្យាថ្មីៗ៖ មុខងារស្កេនក្រយៅដៃ, មាន 4G LTE និងអាចប្រើស៊ីមបាន២ (Dual Sim)
+លក្ខណៈសម្បត្តិរបស់ Nokia 5៖
-អេក្រង់ ៥,២អ៊ីញ (720x1280)px
-កាមេរ៉ាទំហំ 13MP / កាមេរ៉ាមុខ 8MP
-បន្ទះឈីប Qualcomm Snapdragon 430 ប្រភេទ Octa-core ល្បឿន 1400mAh
-RAM 2GB
-ថ្ម 3000mAh
-Memory ទំហំ 16GB អាចបន្ថែម microSD បាន
-បច្ចេកវិទ្យាផ្សេងៗ៖ មុខងារស្កេនក្រយៅដៃ, LTE និង NFC (ប្រើស៊ីមបានតែ ១)
+លក្ខណៈសម្បត្តិ Nokia 3៖
-អេក្រង់ទំហំ ៥អ៊ីញ (720x1280)px
-កាមេរ៉ាក្រោយ និងមុខទំហំប៉ុនគ្នាគឺ 8MP
-បន្ទះឈីប MediaTek ប្រភេទ Quad-core ល្បឿន 1300MHz
-RAM ទំហំ 2GB
-Memory ទំហំ 16GB + microSD
-បច្ចេកវិទ្យាផ្សេងៗ៖ មុខងារស្កេនក្រយៅដៃ , LTE, NFC ប៉ុន្តែមិនមាន dual SIM ទេ
Nokia 6 តាមពិតត្រូវបានក្រុមហ៊ុនបញ្ចេញលក់នៅលើទីផ្សារចិនតាំងពីថ្ងៃទី១៩ ខែមករា ឆ្នាំ២០១៧ រួចទៅហើយ។ ប៉ុន្តែទើបតែពេលនេះ ក្រុមហ៊ុនបានដាក់លើ Nokia 6 នៅលើទីផ្សារសកល។ តម្លៃ Nokia 6 ចន្លោះពី ២៤៤ដុល្លារ (ម៉ូដែលធម្មតា) ទៅ ៣២០ដុល្លារ (ម៉ូដែល Arte Black)។ ចំណែក Nokia 5 និង Nokia 3 វិញត្រូវរំពឹងថា នឹងមានលក់លើទីផ្សារអំឡុងត្រីមាសទី២ ឆ្នាំ២០១៧ នេះ។ តម្លៃ Nokia 5 ប្រហែល ២០០ដុល្លារ ខណៈ Nokia 3 ត្រឹមតែ ១៥០ដុល្លារ។
ងាកមកមើលតម្លៃ Nokia 3310 តូចច្រឡឹងពណ៌ឆើតៗស្អាតមួយបែបនេះវិញ នឹងមានតម្លៃប្រហែលត្រឹម ៥០ដុល្លារប៉ុណ្ណោះ៕
ប្រែសម្រួល៖ រឹទ្ធិរាជ
ប្រភព៖ phonearena
