អ្នកប្រាជ្ញចិន ខុង ជឺ៖ «ដើរយឺតមិនមែនជាបញ្ហានោះទេ សំខាន់កុំឲ្យតែឈប់ដើរទៅមុខ»
«ដើរយឺតមិនមែនជាបញ្ហានោះទេ សំខាន់កុំឲ្យតែឈប់ដើរទៅមុខ»។ នេះជាគតិបណ្ឌិតរបស់ អ្នកប្រាជ្ញចិនខុង ជឺ ដែលចង់គូសបញ្ជាក់ថា ក្នុងជីវិតរបស់មនុស្សគឺជៀសមិនផុតពីបញ្ហា និង ឧបសគ្គនោះទេ ប៉ុន្តែទោះបីជាយ៉ាងណាក៏ដោយ គឺត្រូវតែដើរទៅមុខជានិច្ច ទោះបីជាដើរយឺតក៏ដោយ។
បញ្ហានរណាក៏មាន មិនថា ពួកអ្នកមាន ពួកអ្នកក្រ ឬ ជនជាតិអ្វីនោះទេ។ ប៉ុន្តែអ្វីដែលសំខាន់នោះ គឺត្រូវសួរថា តើអាចដើរទៅមុខបានឬទេ? បើអ្នកមិនដើរទៅមុខ នោះឱកាសជោគជ័យនៅតែមាន ទោះបីជាដើរទៅមុខយឺតក៏ដោយ។
ប៉ុន្តែបើមិនព្រមដើរទៅមុខទេ គឺមានន័យថា បោះបង់។ បើបោះបង់ហើយ នោះអាចនិយាយបានថា «១០០%» គឺបរាជ័យ។ ដូច្នេះហើយ ក្នុងនាមជាមនុស្សម្នាក់ គឺមិនត្រូវអស់សង្ឃឹម ឬ បាត់បង់ជំនឿចិត្តលើខ្លួនឯងនោះទេ ព្រោះបើបាត់បង់ជំនឿចិត្ត គឺជីវិតប្រាកដជាលែងមានរស្មីទៀតហើយ។ ត្រូវចាំថា ជីវិតគឺត្រូវតែមានសង្ឃឹម ហើយបន្តដំណើរទៅមុខជានិច្ច៕
ដោយ៖ រតនា វិចិត្រ
