អត្ថប្រយោជន៍សំខាន់ៗនៃការសួរសំណួរ ប្រហែលជាអ្នកមិនចាប់អារម្មណ៍
ដើម្បីរកចម្លើយមួយត្រឹមត្រូវបាន យើងត្រូវចេះសួរសំនួរត្រឹមត្រួវផងដែរ។ ការសួរសំនួរត្រឹមត្រូវជួយអ្នកឲ្យជោគជ័យក្នុងជីវិតបាន។ មនុស្សមួយចំនួននៅមិនទាន់ដឹងពីសារៈសំខាន់នៃការសួរសំនួរនោះ ទេ។ ខាងក្រោមនេះជាហេតុផលពីការសួរសំនួរ៖
១) អ្នករៀនតាមរយៈ ការសួរសំនួរ៖ វាត្រូវបានគេយល់ស្របថាមនុស្សយើងរៀនអំពីជីវិតតាមរយៈការសួរសំនួរ។ កូនក្មេងរៀនដោយសួរ«ហេតុអ្វី?»។ តាមរយៈសំនួរ យើងរៀនពីហេតុនិងផល។
២) សួរកាន់តែច្រើន ចម្លើយកាន់តែល្អ៖ នៅពេលដែលអ្នកជួបបញ្ហា ប្រសិនជាអ្នកផ្តល់ពេលវេលាខ្លះសម្រាប់ខួរក្បាលក្នុងការគិត អ្នកនឹងទទួលបានចម្លើយល្អជាងមុន។
៣) គុណភាពនៃជីវិត៖ គុណភាពនៃជីវិតរបស់មនុស្សម្នាក់ៗគឺអាស្រ័យទៅលើគុណភាពនៃការគិតរបស់មនុស្សម្នាក់ៗ។ គុណភាពនៃការគិតរបស់មនុស្សម្នាក់ៗគឺកំណត់ដោយគុណភាពនៃសំនួររបស់អ្នក។ បើអ្នកសួរសំនួរល្អ អ្នកនឹងទទួលបានចម្លើយល្អ។
៤) ឆ្លាត៖ ប្រសិនជាអ្នកមិនសួរ អ្នកនៅតែមិនចេះ មិនយល់។ តែប្រសិនជាអ្នកមានចម្ងល់ហើយសួរ អ្នកនឹងទទួលបានព័ត៌មានដែលអ្នកត្រូវការ។ ជាលទ្ធផល អ្នកនឹងឆ្លាតជាងមុន។
ប្រែសម្រួល៖ អឺុង មុយយូ
ប្រភព៖ www.success.com
