អ្នកវិទ្យាសាស្ត្រ៖«គូស្នេហ៍ឈ្លោះគ្នានឹងរឿងតូចតាចសឹងរាល់ពេល តែងរស់នៅជាមួយគ្នាបានយូរ»
នរណាៗ ក៏ដឹងដែរថា «ទំនាក់ទំនង រវាងគ្នានឹងគ្នាគឺជាគន្លឹះមួយនាំឲ្យចំណងស្នេហាអ្នកកាន់តែជោគជ័យ»។ គ្មានអ្នកណា ដែលមានអារម្មណ៍ល្អរាល់ថ្ងៃទេ ដូចនេះវាគង់តែមានថ្ងៃមួយដែលអ្នកនឹងឈ្លោះប្រកែក មាត់ធំមាត់តូចដាក់គ្នា។
ទោះបីការឈ្លោះគ្នា វាជារូបភាពមួយមិនល្អមួយ ពិតមែន តែអ្នកបាននិយាយពាក្យពីក្នុងចិត្តចេញមក ហើយបានបង្ហាញគ្នា ពីអ្វីដែលកំពុងគិត និងមិនពេញចិត្តអ្វី។ វាល្អណាស់ ដែលពួកគេបាននិយាយវាចេញមកក្រៅ ដោយមិនបានទុករឿងទាំងនោះក្នុងចិត្តម្នាក់ឯង។ យោងតាមសៀវភៅ «A Book About Love » ដែលនិពន្ធដោយលោក Jonah Lehrer បានបង្ហាញថា« គូស្នេហ៍ ណាដែលតែងតែរអ៊ូរទាំ នឹងរឿងតូច តាច ភាគច្រើនពួកគេនៅជាមួយគ្នាបានយូរណាស់។ រីឯគូស្នេហ៍ដែលឈ្លោះតែរឿងធំ ភាគច្រើនតែងលែងលះគ្នាលឿនតែម្ដង។»
ប្រែសម្រួល៖ ព្រំ សុវណ្ណកណ្ណិកា
ប្រភព៖ lifehack.org
