ក្រុមហ៊ុន HMD Global មិនទាន់បានសម្ពោធ Nokia 8 នៅឡើយផង ស្រាប់តែវែបសាយលក់ទូរស័ព្ទនៅចិន តាំងបង្ហាញអមជាមួយតម្លៃមុនទៅហើយ។ តម្លៃដែលគេហទំព័រលក់រាយរបស់ចិនតាំងលក់ Nokia 8 គឺ ៣១៨៨យន់ ស្មើនឹងប្រហែល ៤៦៥ដុល្លារ។
ខណៈសាធារណជនកំពុងទន្ទឹងចាំអ៊ុតមើលស្មាតហ្វូនថ្មីៗក្រោមម៉ាក Nokia បន្តបន្ទាប់ ក្រោយពេលចេញលក់ Nokia 6 ទទួលបានជោគជ័យរួចមក ពេលនេះស្រាប់តែលេចព័ត៌មានអំពីស្មាតហ្វូនលំដាប់ខ្ពស់ជាងនេះថែមទៀតដែលអាមានឈ្មោះ Nokia 8។ Nokia 8 នឹងជាស្មាតហ្វូនស៊េរីខ្ពស់ដែលជាសមិទ្ធផលសហការគ្នារវាង HMD Global និង Nokia។
Noika 8 ត្រូវគេរំពឹងថា នឹងលក្ខណៈសម្បត្តិខ្ពស់ ដែលក្នុងនោះអាចបំពាក់ដោយបន្ទះឈីប Snapdragon 821 / 835 ហើយមានអេក្រង់ទំហំ ៥,៧អ៊ីញកម្រិត Quad HD (2560x1440)px អមជាមួយ Memory ពីរជម្រើសគឺ 64GB ឬ 128GB។ Nokia 8 ត្រូវគេរំពឹងថា នឹងត្រូវក្រុមហ៊ុនទូរស័ព្ទហ្វាំងឡង់នេះ បង្ហាញវត្តមានផ្លូវការនៅក្នុងសមាជ MWC 2017 ឆាប់ៗខាងមុខ៕
ប្រែសម្រួល៖ រឹទ្ធិរាជ
ប្រភព៖ phonearena
