លោក Vince Lombardi៖ «អ្នកឈ្នះមិនដែលបោះបង់ អ្នកបោះបង់មិនដែលឈ្នះ»
«អ្នកឈ្នះមិនដែលបោះបង់ អ្នកបោះបង់មិនដែលឈ្នះ»។ នេះបើតាមការអះអាងរបស់លោក Vince Lombardi ដែលជាកីឡាករបាល់ឱបដ៏ល្បីរបស់អាមេរិក។ ក្នុងន័យនេះលោកចង់គូសបញ្ជាក់ថា អ្នកឈ្នះគឺជាមនុស្សដែលមិនអាចបោះបង់ បើទោះបីជាជួបឧបសគ្គប៉ុណ្ណា ឬ បញ្ហាប៉ុណ្ណានោះទេ។ រាល់ការធ្វើកិច្ចការអស្ចារ្យទាំងអស់ គឺសុទ្ធតែលំបាក ។ អ៊ីចឹងហើយ លទ្ធផលជោគជ័យ ឬ បរាជ័យគឺអាស្រ័យលើការខិតខំប្រឹងប្រែង និង តស៊ូរហូតដោយមិនបោះបង់ តែបើអ្នកបោះបង់មានន័យថា មិនអាចឈ្នះបានឡើយ។ បើអ្នកបរាជ័យនោះ កុំបន្ទោសលើថា ខ្លួនគ្មានសំណាង ឬបន្ទោសថាមកពីគេខ្លាំងជាងខ្លួន ប៉ុន្តែត្រូវបន្ទោសលើភាពខ្សោយក្នុងការតស៊ូរបស់ខ្លួន។ ត្រូវចាំថា បើបុគ្គលជោគជ័យក្នុងលោកមានការតស៊ូល្មមៗដូចអ្នក នោះពួកគេមិនអាចជោគជ័យខ្លាំងបែបនេះឡើយ។ ដូច្នេះ បើអ្នកមិនព្រមបោះបង់នោះ ទោះបីជួបការលំបាក ឬ ឧបសគ្គប៉ុណ្ណាក៏ដោយ ឱកាសក្នុងការទទួលជោគជ័យនៅតែមាន៕
