អាច​ជា​រឿង​ល្វីងមុខ​ដ៏​ខ្លាំង​សម្រាប់ ក្រុមហ៊ុន​ទូរស័ព្ទ​កាណាដា BlackBerry ដោយ​នៅ​ត្រីមាស​ទី៤ ឆ្នាំ២០១៦ ​កន្លង​ទៅ ក្រុមហ៊ុន​ហាក់​គ្មាន​កន្លង​ទំនេរ​សម្រាប់​ខ្លួន បញ្ជ្រាប BlackBerry OS របស់​ខ្លួន​នៅ​លើ​ទីផ្សារ​ស្មាតហ្វូន​ទាល់តែ​សោះ ព្រោះ​ចំណែក​ទីផ្សារ​បាន 0.0%។ មក​ខ្លាំង​គឺ Apple ទៅ​វិញ ដែល​បាន​ក្ដាប់​ចំណែកទីផ្សារ លក់​ដាច់​ស្មាតហ្វូន​ជាង​គេ នៅ Q4 2016។

នៅ​ត្រីមាស​ទី៤ ២០១៦ ក្រុមហ៊ុន Apple ក្ដាប់​ចំណែកទីផ្សារ​បាន ១៧,៩% មាន​ចំណាត់ថ្នាក់​លេខ១ ខណៈ Samsung ឈរ​នៅ​ពីក្រោយ ដោយ​ក្ដាប់​បាន ១៧,៨%។ ឃើញ​ថា វា​មិន​មាន​ចន្លោះ​ធំ​នៃ​ការ​ប្រដេញ​ចំណែកទីផ្សារ​រវាង​ក្រុមហ៊ុន​យក្ស​ទាំង​ពីរ​ឡើយ។ តួលេខ​ដែល Apple ចែកចាយ​លក់​បាន​គឺ ៧៧០៣៨,៩គ្រឿង នៅ​ត្រីមាស​ទី៤ ២០១៦ ខណៈ Samsung លក់​បាន ៧៦៧៨២,៦គ្រឿង។ បើ​គិត​តួលេខ​លក់​ប្រចាំ​ឆ្នាំ២០១៦ វិញ Samsung ​ឈរ​នៅ​ចំណាត់ថ្នាក់​លេខ១ ដោយ​លក់​បាន ៣០៦៤៤៦,៦គ្រឿង ខណៈ Apple លក់​បាន ២១៦០៦៤គ្រឿង។

ងាក​មក​មើល​ចំណែកទីផ្សារ​ស្មាតហ្វូន ស្រង់​តាម​ប្រព័ន្ធ​ប្រតិបត្តិការ​វិញ ឃើញ​ថា Android ​ស្មាតហ្វូន​ដើរ​ដោយ Android OS ប្រមាណ ៣៥២៦៦៩,៩ត្រូវ​បាន​ចែកចាយ​លក់​ក្នុង​ឆ្នាំ២០១៦ គិត​ជា​ចំណែកទីផ្សារ​គឺ ៨១,៧%៕ ប្រែ​សម្រួល៖ រឹទ្ធិរាជ ប្រភព៖ gsmarena