គន្លឹះ៣យ៉ាង សម្រាប់ជួយឲ្យអ្នកជំនួញថ្មោងថ្មី អាចប្រមូលអារម្មណ៍ឲ្យមូល ដើម្បីបន្តដំណើរទៅមុខ
ក្នុងនាមជាអ្នកជំនួញ វាមិនមែនជារឿងងាយស្រួលនោះទេ។ នៅពេលដែលអ្នកបើកជំនួញ ទំនួលខុសត្រូវទាំងប៉ុន្មានគឺស្ថិតនៅលើស្មារបស់អ្នក។ អ្នកមិនត្រឹមគិតពីភាពជោគជ័យរបស់ខ្លួនឯង ប៉ុន្តែអ្នកត្រូវគិតពីមនុស្សដែលធ្វើការឲ្យអ្នក។ ស្ត្រេសគឺជារឿងដែលជៀសមិនផុតឡើយសម្រាប់អ្នកជំនួញ។ ខាងក្រោមនេះជាវិធីដែលអាចជួយអ្នកបាន៖
១) ដកដង្ហើមវែងៗ៖ រាល់ពេលដែលអ្នកស្ថិតនៅស្ថានភាពដែលធុញថប់ហើយត្រូវការសម្រាក ការដកដង្ហើមគឺជាយុទ្ធសាស្ត្រដែលងាយស្រួលនិងមានប្រសិទ្ធភាពបំផុត។ ស្រ្តេសធ្វើឲ្យខ្លួនប្រាណរបស់អ្នកតឹងរឹង ប៉ុន្តែការដកដង្ហើមធ្វើឲ្យខ្លួនប្រាណរបស់អ្នកធូរស្រាល។
២) ធ្វើកិច្ចការមួយក្នុងពេលតែមួយ៖ មនុស្សមិនសូវមានវិន័យចំពោះខ្លួនឯងនោះទេ។ ដូច្នេះហើយ វាមានសារៈសំខាន់ក្នុងការបណ្ដុះវិន័យលើខ្លួនអ្នក។ យើងច្រើនតែចូលចិត្តធ្វើកិច្ចការច្រើនក្នុងពេលតែមួយ ប៉ុន្តែខួរក្បាលរបស់យើងផ្តោតអារម្មណ៍បានតែមួយប៉ុណ្ណោះ។
៣) គ្រប់គ្រងការរិះគន់ក្នុងចិត្ត៖ មនុស្សរាល់គ្នាសុទ្ធតែមានគំនិតក្នុងខួរក្បាល។ ទោះបីជាអ្នកធ្វើតាមគំនិតនោះឬក៏អត់ វាអាស្រ័យលើអ្នក។ អ្នកត្រូវមានជំនឿចិត្តលើខ្លួនឯង។ ប្រសិនជាអ្នកមានគំនិតអវិជ្ជមាន អត្រានៃភាពបរាជ័យនឹងកើតមានឡើង។ អ្នកត្រូវរៀនចេះនិងគ្រប់គ្រងវាឲ្យបាន៕
ប្រែសម្រួល៖អុឹង មុយយូ ប្រភព៖ www.entrepreneur.com
