អ្នកនិពន្ធដ៏ល្បី លោកNicholas Sparks ៖ «ស្រលាញ់គេហើយ គេស្រលាញ់អ្នកវិញ គឺជារឿងដ៏មានតម្លៃបំផុតក្នុងលោក»
«ស្រលាញ់គេហើយ គេស្រលាញ់អ្នកវិញ គឺជារឿងដ៏មានតម្លៃបំផុតក្នុងលោក»។ នេះជាការលើកឡើងរបស់លោក Nicholas Sparks ដែលជាអ្នកនិពន្ធសៀវភៅប្រលោមលោកក៏ល្បីនៅអាមេរិក។ ក្នុងន័យនេះលោកចង់គូសបញ្ជាក់ថា នៅពេលជួបមនុស្សដែលខ្លួនស្រលាញ់គឺជារឿងល្អ ប៉ុន្តែបើគេស្រលាញ់អ្នកវិញ គឺរឹតតែល្អ និង មានតម្លៃខ្លាំងបំផុត។
បើគ្រាន់តែជួបមនុស្សដែលខ្លួនស្រលាញ់ តែគេមិនចាប់អារម្មណ៍ឬ មិនស្រលាញ់វិញ វានឹងធ្វើឲ្យមានរឿងសោកសៅកើតឡើង ព្រោះថា សេចក្ដីស្រលាញ់មួយនេះគឺមានតែម្ខាង ដោយនឹកគេក៏តែម្នាក់ឯង បារម្ភពីគេក៏តែម្នាក់ឯង ពោលគឺអ្វីៗគិតតែម្នាក់សុទ្ធតែម្តង។ អ៊ីចឹងហើយវាគ្មានថ្ងៃមានសេចក្ដីសុខនោះឡើយ ដរាបណាគេមិនស្រឡាញ់វិញ។ ប៉ុន្តែបើមនុស្សដែលអ្នកស្រលាញ់នោះគេចាប់អារម្មណ៍ និង ស្រលាញ់អ្នកវិញដែរ នោះហើយជារឿងដ៏អស្ចារ្យរកអ្វីប្រៀបមិនបាន។ អ៊ីចឹងហើយបានជា លោក Nicholas Sparksលើកឡើងបែបនេះ។ យ៉ាងណាក៏ដោយ បើអ្នកស្ថិតក្នុងស្ថានភាពស្រលាញ់គេតែម្នាក់ឯង គឺត្រូវព្យាយាមដកខ្លួនចេញឲ្យកាន់តែឆាប់កាន់តែល្អ ជាពិសេសនៅពេលដែលគេមានមនុស្សជាទីស្រលាញ់រួចទៅហើយ៕
ដោយ៖ រតនា វិចិត្រ
