ប្រយោគទាំង៥ឃ្លានេះ មាតាបិតាគួរបង្រៀនកូនឲ្យដឹងពីតូចទៅដើម្បីឱ្យធំឡើងក្លាយជាមនុស្សល្អ!
ក្នុងសម័យទំនើបនេះ មាតាបិតាគឺពិតជាមមាញឹកណាស់ ក្នុងការលើកកម្ពស់កូនៗ ហើយដឹកនាំគេឲ្យក្លាយជាមនុស្សល្អមួយបាន។ ហេតុនេះហើយ អ្នកគួរតែដឹងថា មានពាក្យពេចន៍ អ្វីខ្លះទៅដែលមាតាបិតាគួរយកទៅទូន្មានអប់រំកូនៗ របស់ខ្លួននោះ?
១) តែងជួយគេតាមតែអាចធ្វើទៅតាម៖ ការចេះជួយអ្នកដទៃ នេះ វានឹងបង្រៀនកូនអ្នក ឲ្យក្លាយជាមនុស្សម្នាក់ដែលចិត្តល្អ ហើយចេះជួយគេតាំងពីតូចតែម្ដង។ បង្រៀនកូនអ្នក ឲ្យជួយអ្នកដទៃ គឺពិតជាសំខាន់ ហើយ វាមានតម្លៃជាងការទទួលរបស់ពីអ្នកដទៃ ។
២) ត្រូវគោរពអ្វីក៏ដោយកើតឡើងក្នុងជីវិត មិនថាតូចឬធំនោះទេ ៖ អ្នកសំណាងណាស់ ដែលបានកើតមកក្នុងលោកនេះ ហេតុនេះអ្នកគួរបង្រៀនកូនៗ ឲ្យចេះឲ្យតម្លៃអ្វីក៏ដោយដែលគេកំពុងមាន មិនថារបស់នោះតូចឬធំយ៉ាងណានោះទេ។
៣) ចេះគោរពអ្នកដទៃ ទោះបីអ្នកមិនយល់ស្របជាមួយគេក្ដី៖ បង្រៀនកូនៗរបស់អ្នកឲ្យ គោរពអ្នកដទៃ ដោយចិត្តស្មោះ ទោះបីជាពួកគេមិនត្រូវគ្នា ឬមួយធ្លាប់មានបញ្ហាជាមួយគ្នាក្ដី។
៤) ត្រូវដើរតាមបេះដូងរបស់អ្នក៖ បើអ្នកមិនដើរតាមបេះដូងរបស់អ្នកទេ នោះអ្នកនឹងក្លាយជាមនុស្សដែលប្រឆាំងនឹងព្រលឹងរបស់ខ្លួន ។ អ្នកគួរបង្រៀនពួកគេ កុំឲ្យជឿលើអ្វីដែលកើតឡើងក្នុងពិភពលោកនេះឲ្យសោះ អ្វីដែលអ្នកគួរជឿ គឺមានតែខ្លួនឯងតែប៉ុណ្ណោះ។
៥) កុំអនុញ្ញាតឲ្យអ្នកដទៃឆក់យកការសប្បាយរបស់អ្នកអី៖ ត្រូវដឹងថាលើលោកនេះ គឺមានមនុស្សល្អនិងអាក្រក់ ដូចនេះអ្នកត្រូវរៀនប្រយ័ត្ននិងរៀនឆ្លាតខ្លួនឯង។ អ្នកមិនត្រូវអនុញ្ញាតឲ្យនរណាម្នាក់ចូលក្នុងជីវិតអ្នក រួចឆក់យកភាពសប្បាយរីករាយចេះពីអ្នកបានទេ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ lifehack.org
