ចំណុចសំខាន់៣យ៉ាងក្នុងជីវិតដែលអ្នកត្រូវរៀនឲ្យចេះ កាន់តែឆាប់កាន់តែល្អ
ក្នុងឆាកជីវិតរបស់យើង យើងមិនគួរមានវិប្បដិសារីច្រើនពេកទេ។ ប៉ុន្តែ វាក៏មានពេលវេលាជាច្រើនលើកដែរ ដែលយើងនិយាយថា ប្រសិនជាយើងដឹងមុននេះបន្តិច មិនដឹងល្អយ៉ាងណាទេ។ ហើយក៏ជាច្រើនលើកច្រើនសារដែលយើងមិនខ្វល់អ្វីសោះរហូតដល់រឿងអាក្រក់កើតឡើង។ ខាងក្រោមនេះជាមេរៀនជីវិតសំខាន់ៗដែលនឹងផ្លាស់ប្តូរទស្សនៈរបស់អ្នក៖
១) រស់នៅក្នុងពេលបច្ចុប្បន្ន៖ យើងចំណាយពេលជាច្រើនចង់កែសម្រួលអតីតកាលនិងគិតពីអនាគត ប៉ុន្តែយើងបែរជាភ្លេចបច្ចុប្បន្នកាលទៅវិញ។ បច្ចុប្បន្នកាលគឺជាអ្វីដែលកំពុងកើតឡើងក្នុងជីវិតរបស់អ្នកនាពេលបច្ចុប្បន្ន។ ភាពរីករាយក៏អាចកើតឡើងនាពេលបច្ចុប្បន្នផងដែរ ពីព្រោះថាអតីតកាលបានកន្លងផុតទៅហើយអនាគតមិនទាន់មកដល់។
២) កុំកំណត់ជីវិតរបស់អ្នកដោយគិតអ្វីល្អឬមិនល្អ៖ សង្គមឬការរំពឹងទុករបស់គ្រួសារអាចធ្វើឲ្យយើងគិតថាយើងគួររឿងនេះឬយើងមិនគួររឿងនោះ។ ឧទាហរណ៍ថា៖ អ្នកគួរបន្តទៅសាកលវិទ្យាល័យ។ អ្នកគួរតែចាប់ផ្តើមជំនួញប្រសិនជាអ្នកចង់ក្លាយជាអ្នកមាន។ ការរស់នៅជីវិតតាមបែបដែលអ្នកចង់បានទើបនាំយកនូវភាពរីករាយដល់អ្នកបាន។
៣) ហ៊ានប្រឈមមុខនឹងភាពភ័យខ្លាច៖ យើងទាំងអស់គ្នាសុទ្ធតែមានភាពភាពភ័យខ្លាច។ ប៉ុន្តែ ប្រសិនជាអ្នកខ្លាំង អ្នកត្រូវតែហ៊ានប្រឈមមុខនឹងភាពភ័យខ្លាចឲ្យបានច្រើន។ អារម្មណ៍ក្រោយពេលដែលអ្នកជម្នះភាពភ័យខ្លាចគឺពិតជាអស្ចារ្យ មិនមែនរៀបរាប់បានឡើយ៕
ប្រែសម្រួល៖ អុឹង មុយយូ ប្រភព៖ www.lifehack.org
