តើអ្នកចង់សិក្សាអ្វីបន្ថែមខ្លះសម្រាប់ឆ្នាំថ្មី? ពេលខ្លះអ្នកអាចមិនសូវមានពេលច្រើន ក្នុងការស្វែងរកសាលារៀន និងគ្រូដែលអ្នកពេញចិត្ត។ តែពេលនេះ អ្នកអាចស្វែងរកចំណេះដឹងបានដោយខ្លួនឯង ហើយមិនចាំបាច់ចំណាយពេលទៅសាលា ហើយអស់ថវិកាទៀតផង ដោយគ្រាន់តែស្គាល់គេហទំព័រទាំងនេះ៖
១) Coursera ៖ គេហទំព័រនេះ ផ្ដល់មុខវិជ្ជាសិក្សា រហូតដល់ទៅ ១៥០០មុខឯណោះ ដែលមុខវិជ្ជានោះគេទទួលបានមកពី សាកលវិទ្យាល័យដៃគូ រហូតដល់ទៅ១៤៥។ មុខវិជ្ជាសិក្សាទាំងនោះ រួមមាន វីដេអូ និងលំហាត់តាមអ៊ីនធឺណិត ផងដែរ។
២) Alison ៖ គេហទំព័រនេះគឺស័ក្ដិសមណាស់សម្រាប់អ្នក ជំនួញ ដោយសារពួកគេបង្ហាញពីគន្លឹះរកស៊ីជាច្រើន ដកស្រង់ពីសៀវភៅរបស់ពីសហរដ្ឋអាមេរិក។ អ្នកមិនបាច់ភ័យនោះឡើយ ព្រោះពួកគេមានភាសាដល់ទៅ ៣សម្រាប់ការសិក្សានោះ មានដូចជាបារាំង អង់គ្លេស និងអាល្លឺម៉ង់។
៣) Academic Earth ៖ សារៈសំខាន់នៃគេហទំព័រនេះ គឺការបង្កើតជាតារាងមួយ ដេលក្នុងនោះផ្ដុំទៅដោយគ្រូបង្រៀនផ្សេងៗ គ្នាទៅតាមមុខវិជ្ជានីមួយៗ ។
៤) 99U ៖ គេហទំព័រនេះវា ដូចទៅនឹងកម្មវិធី TED ដែរ តែវាផ្ដោតតែលើការរកស៊ី ភាពឆ្នៃប្រឌិត ការវិវត្ត និងការអភិវឌ្ឍអាជីវកម្ម។
៥) Udacity ៖ វាពិតជាផ្ដល់ប្រយោជន៍ខ្លាំងបំផុត ដល់អ្នកចង់រៀន វិទ្យាសាស្ត្រកុំព្យូទ័រ ឬក៏រៀនកូដ ហើយអ្នកនឹងឆាប់ចាប់បាន បើអ្នកស្ទាត់នឹងមុខវិជ្ជាគណិតវិទ្យានោះ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ Business Insider
