នាយកប្រតិបត្តិAppleលោក Tim Cook៖ «បើធ្វើការដើម្បីតែលុយ នោះអ្នកនឹងគ្មានថ្ងៃសប្បាយចិត្តឡើយ»
លោកTim Cookនាយកប្រតិបត្តិរបស់ក្រុមហ៊ុន Apple បានផ្ដល់ដំបូន្មានដល់សិស្សនិស្សិតថា កុំធ្វើការដើម្បីតែលុយតែម្យ៉ាង ព្រោះវានឹងគ្មានភាពរីករាយក្នុងជីវិតនោះឡើយ។ ការថ្លែងបែបនេះ ធ្វើឡើងនៅក្នុងពិធីទទួលសញ្ញាប័ត្រកិត្តិយសនៅប្រទេសស្កុតឡែន។ «ដំបូន្មានរបស់ខ្ញុំសម្រាប់អ្នកទាំងអស់គ្មាន គឺថាកុំធ្វើការដើម្បីតែលុយ ព្រោះវានឹងធ្វើឲ្យអ្នកមានអារម្មណ៍ថា គ្មានសេចក្ដីសុខឡើយ ឬ អាចនិយាយបានថា អ្នកនឹងគ្មានថ្ងៃគ្រប់គ្រាន់ឡើយ ហើយក៏គ្មានថ្ងៃរីករាយនោះដែរ»។ លោក Tim Cookបញ្ជាក់។ ក្នុងន័យនេះ លោកចង់ឲ្យក្មេងជំនាន់ក្រោយ ព្យាយាមស្វែងរកវិថីការងារណាដែលខ្លួនពេញចិត្ត គឺមិនមែនសម្លឹងឃើញតែលុយនោះទេ ព្រោះបើការធ្វើអ្វីដែលខ្លួនពេញចិត្តនឹងនាំមកនូវសមិទ្ធផលធំធេងក្នុងជីវិត ហើយធ្វើឲ្យជីវិតនោះ ពោរពេញទៅដោយតម្លៃ ៕ ដោយ៖ រតនា វិចិត្រ
