ចេះតែឈឺច្រើន អាចមកពីកង្វះសារជាតិទឹកនៅក្នុងខ្លួន!វិធី៣យ៉ាងជួយឲ្យពិសាទឹកបានគ្រប់គ្រាន់វិញ
ជាទូទៅទេ សុខភាពល្អបានលុះត្រាអ្នកបានទទួលទានទឹកបានច្រើន ។ តែអាចថាអ្នករវល់ពេក ទើបភ្លេច ហើយម៉្យាងទៀតអ្នកគិតថាវាមិនសូវសំខាន់ផង។ វិធីខាងក្រោមនេះ អាចជួយអ្នកឲ្យទទួលទានទឹកបានគ្រប់គ្រាន់វិញ៖
១) អាចបន្ថែមរសជាតិខ្លះក្នុងទឹក៖ អាចថាអ្នកធុញទ្រាន់នឹងមិនចង់ផឹកទឹកដែលគ្មានរសជាតិ ហេតុនេះទើបអ្នកវិទ្យាសាស្ត្របានបង្កើតថ្នាំគ្រាប់អាចរលាយ ដែលអាចបន្ថែមរសជាតិក្នុងទឹកពិសាអ្នក។ អ្នកអាចជ្រើសរើសរសជាតិណាដែលអ្នកចូលចិត្តរួចដាក់ចូលទឹកនោះ។ ពេលនោះអ្នកនឹង មិនភ្លេចទទួលទានទឹកដូចមុនទៀតឡើយ ដោយសារទឹកមានរសជាតិដែលអ្នកចូលចិត្ត។
២) គួរដាក់ដបទឹកនៅជិតខ្លួន៖ វាអាចជាវិធីដាស់តឿនអ្នកឲ្យពិសាទឹកក៏ថាបាន ព្រោះពេលណាអ្នកឃើញដបទឹក អ្នកនឹងមិនដាច់ចិត្តទុកវាចោល នោះទេ។
៣) ត្រូវដាស់តឿនខ្លួនឯងពីសុខភាពផងដែរ៖ ពេលខ្លះមានតែអ្នកខ្លួនឯងប៉ុណ្ណោះ ដែលជំរុញឲ្យខ្លួនឯងពិសាទឹកបានច្រើន ។ ពេលអ្នកយល់ដឹងពីសុខភាព ថាវាត្រូវការទឹកកម្រិតណានោះ អ្នកនឹងលែងប្រហែសដូចមុនទៀតហើយ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ power of positivity
