សេដ្ឋីវ័យ២៦ឆ្នាំលោក Brian Wong ថា ជីវិតជោគជ័យមិនអាចខ្វះចំណុចពីរយ៉ាងនេះឡើយ
លោក Brian Wong ជាស្ថាបនិករបស់ក្រុមហ៊ុន Kiipរបស់កាណាដា មានវ័យត្រឹមតែ២៦ឆ្នាំប៉ុណ្ណោះ ប៉ុន្តែបច្ចុប្បន្នលោកគឺជាសេដ្ឋីវ័យក្មេងមួយរូប។ លោក បញ្ជាក់ថា ការគោរពពេលវេលា និង ប្រឹងប្រែងធ្វើការខ្លាំង គឺជាចំណុចសំខាន់បំផុត ដែលអាចជួយឲ្យមនុស្សទទួលជោគជ័យក្នុងជីវិត។
« ការគោរពពេលវេលា និង ប្រឹងប្រែងធ្វើការខ្លាំង គឺជាចំណុចសំខាន់បំផុត ដែលអាចជួយឲ្យមនុស្សទទួលជោគជ័យក្នុងជីវិត ពោលគឺមិនចាំបាច់មានជំនាញច្រើន ឬ ទេពកោសល្យខ្លាំងនោះទេ»។
ស្ថាបនិក Kiipបញ្ជាក់។ បើតាមសេដ្ឋីវ័យក្មេងរូបនេះ ការគ្រប់ពេលវេលា គឺជាចំណុចស្នូលមួយដែលជួយឲ្យការងារ នឹងដំណើរការទៅបានល្អ ចំណែកឯការខិតខំប្រឹងប្រែងវិញ គឺនឹងជួយពន្លឿនការងារទាំងនោះឲ្យកាន់តែដំណើរការទៅមុខរហ័ស ជាពិសេសនោះ មិនថាមានអ្វីកើតឡើង គឺនៅតែបន្តធ្វើ ដោយមិនបោះបង់ដោយងាយឡើយ៕
ដោយ៖ រតនា វិចិត្រ
