​​យោង​តាម​សេចក្ដី​រាយការណ៍​ពី​សារព័ត៌មាន​ The Independent ​របស់​អង់គ្លេស​ដែល​ចេញ​ផ្សាយ​ថ្ងៃ​នេះ​ បាន​ឱ្យ​ដឹង​ថា​ ​ប្រធានាធិបតី​ថ្មី​ដែល​ទើប​នឹង​ជាប់​ឆ្នោត​មាន​វ័យ​ ៧០​ឆ្នាំ​​លោក​ Trump ​​​ឡើង​កាន់​តំណែង​​ជា​ប្រធានាធិបតី​ដែល​មាន​ប្រជាប្រិយភាព​តិច​​បំផុត​នៅ​ប្រវត្តិសាស្ត្រ​​នយោបាយ​សម័យ​ទំនើប។ ​​ពាក្យ​ថា​ នយោបាយ​ ត្រូវ​បាន​ប្រភព​ដដែល​ប្រៀប​ធៀប​ទៅ​នឹង​ តន្ត្រី​ប្រជាប្រិយ​ (Pop Music) ដែល​ប្រជាប្រិយភាព​​​ឡើង​មួយ​ឆាវ​ហើយ​ក៏​ធ្លាក់​ទៅ​វិញ។ ​​​ប្រជាប្រិយភាព​លោក​ Trump ​បាន​និង​កំពុង​ធ្លាក់​ចុះ​យ៉ាង​ខ្លាំង​​បន្ទាប់​ពី​កាន់​តំណែង​បាន​ប្រមាណ​ ២​សប្ដាហ៍​មក​នេះ។ យោង​តាម​ការ​ស្ទង់មតិ​ថ្មី​ដែល​ធ្វើ​ឡើង​ដោយ​ Gallup បាន​បង្ហាញ​ថា​ ​ប្រជាប្រិយភាព​កំពុង​ធ្លាក់​ដល់​កម្រិត​ទាប​បំផុត​ហើយ។ ​តាម​លទ្ធផល​នៃ​ការ​ស្ទង់​មតិ​ ៥៣%​​​មិន​អនុញ្ញាតិ​ (disapproved) ចំពោះ​ការ​កាន់​តំណែង​របស់​ Trump​ ខណៈ​មាន​តែ​​ ​៤២%​ ​ប៉ុណ្ណោះ​អនុញ្ញាតិ (approved)។ យោង​តាម​ការ​ប្រកាស​របស់​ក្រុមហ៊ុន​ Gallup ​បាន​តាម​ដាន​ភាគរយ​​នៃ​ចំនួន​ប្រជាជន​អាមេរិក​​អនុញ្ញាតិ​ និង​មិន​អនុញ្ញាតិ​​ចំពោះ​ការ​បំពេញ​​​ការងារ​​របស់​ប្រធានាធិបតី​ជា​រៀង​រាល់​ថ្ងៃ​ដោយ​ផ្អែក​ទៅ​លើ​ការ​សម្ភាសន៍​តាម​ទូរស័ព្ទ​ ជ​​មួយ​មនុស្ស​ពេញ​វ័យ​ប្រមាណ​ ១៥០០​នាក់៕​​ ​​​​​​ ​