សួរខ្លួនឯង៣សំណួរនេះ នឹងជួយបង្កើនផលិតភាពរបស់អ្នក?
សំនួរដែលអ្នកសួរខ្លួនឯងកំណត់នូវអ្វីដែលអ្នកផ្ដោតអារម្មណ៍។ ប្រសិនជាអ្នកពិតជាចង់បានលទ្ធផលល្អក្នុងជំនួញឬជីវិត អ្នកត្រូវរៀនចេះសួរសំនួរល្អៗដល់ខ្លួនឯង៖
១) តើអ្នកអាចបម្រើអ្វីបាននៅថ្ងៃនេះ៖ តាមការសិក្សាបានរកឃើញថា គន្លឹះដែលអាចជួយដល់ផលិតភាពរបស់អ្នកគឺធ្វើអ្វីដែលមានន័យ។ នៅពេលដែលអ្នកដឹងពីមូលហេតុនូវអ្វីដែលអ្នកធ្វើ អ្នកនឹងត្រូវការកម្លាំងចិត្តតិចនិងចំណង់ដើម្បីសម្រេចកិច្ចការឲ្យបានល្អ។ តើអ្នកអាចធ្វើអ្វីខ្លះ? តើអ្នកអាចជះឥទ្ធិពលក្នុងជីវិតរបស់មនុស្សដទៃដល់កម្រិតណា?
២) តើអ្វីដែលអ្នកធ្វើនៅថ្ងៃនេះនឹងជះឥទ្ធិពលដល់គោលដៅរបស់អ្នក៖ តើអ្វីនោះគឺជាអ្វី? វាគឺជាសកម្មភាពមួយដែលអ្នកធ្វើនៅថ្ងៃនេះនឹងជះឥទ្ធិពលយ៉ាងខ្លាំងទៅគោលដៅរបស់អ្នក។ ចូរអ្នកស្វែងរកវាឲ្យឃើញនឹងធ្វើវាឲ្យក្លាយជាទម្លាប់ប្រចាំថ្ងៃ។
៣) តើអ្នកបានធ្វើចំណុចល្អអ្វីខ្លះនិងតើអ្វីដែលអ្នកអាចធ្វើល្អជាងនេះ៖ ប្រសិនជាអាច អ្នកត្រូវកត់ត្រាទុកនូវចំណុចដែលអ្នកធ្វើបានល្អនិងចំណុចដែលអ្នកធ្វើមិនបានល្អ។ ចំណុចល្អគឺថាវានឹងពង្រឹងដល់ទំនុកចិត្តរបស់អ្នក។ ហើយចំពោះចំណុចអាក្រក់វិញ អ្នកអាចកែប្រែហើយធ្វើវាឲ្យល្អជាងមុនបាន៕
ប្រែសម្រួល៖ អុឹង មុយយូ ប្រភព៖ www.lifehack.org
