Trump៖ អ៊ីរ៉ង់កំពុងលេងភ្លើង! ខ្ញុំមិនចិត្តល្អដូច អូបាម៉ាទេ
ប្រធានាធិបតីទើបជាប់ឆ្នោតលោក Trump បានលើកឡើងនៅព្រឹកថ្ងៃសុក្រ កន្លងទៅនេះថា អ៊ីរ៉ង់កំពុងតែលេងភ្លើងហើយ ខណៈពេលដែលរដ្ឋាភិបាលរបស់លោកត្រៀមដាក់ទណ្ឌកម្មបន្ថែមទៀតបន្ទាប់ពីអ៊ីរ៉ង់បាញ់សាកល្បងមីស៊ីលប្រភេទថ្មី។
លោក Trump បានសរសេរនៅលើ Twitter របស់លោកដូច្នេះថា ៖«អ៊ីរ៉ង់កំពុងតែលេងភ្លើង ពួកគេមិនឱ្យតម្លៃទៅលើទឹកចិត្តល្អដែល Obama ធ្វើចំពោះពួកគេនោះទេ។ នោះគឺមិនមែនខ្ញុំ»។
សូមបញ្ជាក់ថា លោក Trump បានដាក់ទណ្ឌកម្មបន្ថែមថ្មីទៅលើបុគ្គលចំនួន ១៣រូប និងអង្គភាព ១២រូបនៅក្នុងប្រទេសនេះកាលពីថ្ងៃសុក្រសប្ដាហ៍កន្លងទៅនេះ។ ចំណាត់ការនេះធ្វើឡើងបន្ទាប់ពីអ៊ីរ៉ង់បាញ់សាកល្បងគ្រាប់មីស៊ីលកាលពីសប្ដាហ៍មុន៕
