សាកលវិទ្យាល័យ​ Stanford ​ និង​ ​សាកលវិទ្យាល័យHarvard ​​​របស់​អាមេរិក​ ​ជាប់​ជា​សាកលវិទ្យាល័យ​ដែល​មាន​អតីត​​និស្សិត​​ក្លាយ​ជា​មហាសេដ្ឋី​ច្រើន​ជាង​គេ​​​លើ​លោក​។​ នេះ​បើ​តាម​របាយការណ៍​របស់​ក្រុម​ហ៊ុន​​ Sage ​Group ​របស់​អង់គ្លេស​។ ​​​បើ​តាម​របាយការណ៍​នោះ ​​មាន​មហាសេដ្ឋី​ចំនួន​ ៥១​រូប​​​ធ្លាប់​សិក្សា​នៅ សាកលវិទ្យាល័យ​ Stanford​ក្នុង​នោះ​មាន​ដូច​ជា​ ​លោក​ Allen Blue ​លោក​ ​ Eric Ly ​និង​ ​លោក​ ​ Konstantin Guericke ​ដែល​សុទ្ធ​តែ​​ជា​ស្ថាបនិក​របស់​ក្រុមហ៊ុន​​LinkedIn និង ​លោក​ Brian​ Acton ​ជា​ស្ថាបនិក​របស់​ក្រុមហ៊ុនWhatsApp ​។ ដោយ​ឡែក​នៅ​សាកលវិទ្យាល័យ​​​​​​ ​Harvard​​វិញ​ ​​មហាសេដ្ឋី​​ធ្លាប់​​រៀន​​នៅ​ទី​នោះ​ចំនួន​​៣៧​ ​ហើយ​​​ក្នុង​ចំណោម​នោះ ​ក៏​មាន​​លោក​ Mark Zuckerburg​ ​ស្ថាបនិក​របស់​ហ្វេសប៊ុក​ ​ ​​និង​​ លោក​ Bill Gates ​ស្ថាបនិក​​ក្រុមហ៊ុន​Microsoft ។ [caption id="attachment_31570" align="aligncenter" width="670"] www.cnbc.com[/caption] ​ក្រៅ​ពី​នេះ ​​ក៏​មាន​សាកលវិទ្យាល័យ​ជាច្រើន​ទៀត​​ផង​ដែរ​ ដែល​មាន​មហាសេដ្ឋី​ធ្លាប់​រៀន​នៅ​ទី​នោះ​ផងដែរ​ ដូច​ជា​​សាកលវិទ្យាល័យ California​ ​(អាមេរិក​)មាន​១៨​នាក់ ​វិទ្យាស្ថាន​បច្ចេកវិទ្យា​​​ឥណ្ឌា​ (Indian Institute of Technology) (​ឥណ្ឌា)​ ចំនួន​១២​នាក់​ ​វិទ្យាស្ថាន​បច្ចេកវិទ្យា​​Massachusetts (Massachusetts Institute of Technology)​​(អាមេរិក​)ចំនួន​​៩​នាក់ ​សាកលវិទ្យាល័យ​Pennsylvania​ (អាមេរិក​) ចំនួន​៩​នាក់​ ​សាកលវិទ្យាល័យ​Oxford​ (អង់គ្លេស)​​ ចំនួន​៨​នាក់​ ​សាកលវិទ្យាល័យ​Tel Aviv ​(អ៊ីស្រាអែល​)​ ​ចំនួន​៧​នាក់​ ​សាកលវិទ្យាល័យCornell ​ចំនួន​៦​នាក់​ ​សាកលវិទ្យាល័យ Southern California​ចំនួន​៦​នាក់ ​​​និង ​​សាកលវិទ្យាល័យ Waterloo​ ​(កាណាដា​)​ចំនួន​​៦​នាក់៕ ​ដោយ​៖ រតនា​ ​វិចិត្រ​ ​​​​​​​​​​​​​​