ចំណុច ៣យ៉ាងដែលអ្នកមិនគួរមានអារម្មណ៍អាក្រក់ ពីរឿងរ៉ាវស្នេហារបស់អ្នក
គ្មានស្នេហាណាដែលល្អឥតខ្ចោះនោះទេ។ វាតែងតែមានចំណុចល្អនិងចំណុចអាក្រក់ជានិច្ច។ ការរំពឹងទុកខ្លះធ្វើឲ្យអ្នកមិនសប្បាយចិត្តនិងអន់ចិត្ត។ ខាងក្រោមនេះ ជាចំណុចដែលអ្នកមិនគួរមានអារម្មណ៍អាក្រក់ចំពោះរឿងរ៉ាវស្នេហារបស់អ្នក៖
១) ចង់បានការគោរព៖ ប្រសិនជាដៃគូរបស់អ្នកពិតជាស្រឡាញ់អ្នក គេនឹងមានការគោរពចំពោះអ្នក។ ទោះបីជាគេមិនយល់ស្រប ប៉ុន្តែគេនឹងព្យាយាមយល់អំពីអ្នក។ នេះមានន័យថា គេទទួលយកនូវអ្វីដែលអ្នកគិត ឬអ្វីដែលអ្នកមាន។
២) ការសន្ទនា៖ ដើម្បីឲ្យស្នេហាដំណើរទៅមុខបាន អ្នកទាំងពីរត្រូវមានទំនាក់ទំនងទៅវិញទៅមក។ នេះមានន័យថា អ្នកមិនត្រូវមានអារម្មណ៍អាក្រក់ប្រសិនជាដៃគូរបស់អ្នកនិយាយអ្វីដែលអាក្រក់ ឬបង្ហាញពីអារម្មណ៍ពិតរបស់គេ។ រឿងមួយទៀតនោះគឺថា មានរឿងអ្វីក៏ដោយ គឺត្រូវចេះនិយាយរកគ្នា។ កុំចងចិត្តដាក់គ្នា តែមិនព្រមនិយាយដើម្បីស្វែងរកដំណោះស្រាយឱ្យសោះ។
៣) ការឆ្លើយតប៖ មនុស្សជាច្រើនចង់ឲ្យដៃគូរបស់ពួកគេផ្ញើសារទៅកាន់ពួកគេមុន។ សូមកុំគិតអីចឹងអី។ ប្រសិនបើអ្នកចូលចិត្តគេ ហើយមានរឿងអ្វីចង់និយាយ ចូរប្រាប់គេឲ្យដឹងមុនទៅ៕
ប្រែសម្រួល៖ អឹុង មុយយូ
ប្រភព៖ www.thoughtcatalog.com
