ត្រូវប្រយ័ត្ន! បច្ចេកវិទ្យាទាំងនេះ អាចពង្វក់អ្នកដោយមិនដឹងខ្លួន
ប្រព័ន្ធបចេ្ចកវិទ្យា សម័យនេះគឺពិតជាអស្ចារ្យ ហើយប្លែកៗ សឹងតែមិនគួរឲ្យជឿ។ របកគំហើញថ្មីៗ ទាំងនោះ បានផ្ដល់ភាពងាយស្រួលច្រើនដល់មនុស្សគ្រប់រូប តែក្នុងនោះ បើអ្នកមិនចេះគ្រប់គ្រងខ្លួនឯងទេ វាអាចនឹងក្លាយជារបស់មួយបញ្ជាអ្នកបាន។
១) ល្បែងតាមអ៊ីនធឺណិត៖ កាលពីមុន អ្នកអាចជៀសពីល្បែងបានដោយគ្រាន់តែកុំចូលទៅកាស៊ីណូ ឬហ្វូងល្បែងធំ ៗ ទៅបានហើយ។ តែសម័យនេះ អ្នកមិនចាំបាច់ទៅទីកន្លេងនោះ ក៏អ្នកអាចញៀន នឹងវាបានដែរ។ ល្បែងនានា មានច្រើនណាស់ក្នុងកម្មវិធីទូរស័ព្ទ ហើយបើអ្នកហ៊ានតែលេងវាច្រើនពេក វានឹងក្លាយជារបស់ដែលអាចពង្វក់អ្នកបានយ៉ាងងាយ។
២) ញៀនទូរទស្សន៍៖ អ្នកមិនដឹងឡើយ ថាការញៀនទូរទស្សន៍នេះវាប៉ះពាល់អ្វីខ្លះដល់ សុខភាពអ្នកទេ។ ក្នុងនោះអ្នកអាចកើតបញ្ហាភ្នែក និងការគាំងបេះដូងផងដែរ ដោយសារតែការចំណាយពេល អង្គុយនៅមុខទូរទស្សន៍ច្រើនពេក។
៣) ញៀនទូរស័ព្ទ៖ សម័យនេះហើយ នរណាៗ ក៏មានទូរស័ព្ទកាន់គ្រប់ដៃដែរ តែទន្ទឹមនឹងនោះ ពួកគេប្រើប្រាស់វា ដោយមិនបានគិតគ្រប់ជ្រុងជ្រោយ ដែលជាហេតុ នាំឲ្យគេខាតបង់ពេលនិងថវិកាច្រើនអត់ប្រយោជន៍។ មនុស្សច្រើន ណាស់ចំណាយពេលពេញមួយថ្ងៃ នៅក្នុងបន្ទប់ ដោយគ្រាន់តែ ចុចទូរស័ព្ទ ចុះឡើង ហើយទុកការងារសំខាន់ៗ ចោល៕
ប្រែសម្រួល៖ ព្រំ សុវណ្ណកណ្ណិកា ប្រភព ៖ www.lifehack.org
