ហេតុផល៣យ៉ាងដែលអ្នកគួរស្រលាញ់ការសិក្សា
ក្នុងឆាកជីវិតយើងម្នាក់ៗ យើងគួរតែបន្តការសិក្សាឲ្យបានច្រើនមិនថា អាយុប៉ុន្មាន ឬ នៅទីណានោះឡើយពោលគឺ«រៀនរហូត» រៀនមិនចេះចប់។ បើអ្នកស្អប់ការងារសិក្សា មានន័យស្មើនឹងស្អប់ការរីកចម្រើនក្នុងជីវិតដែរ ដូច្នេះហើយ ត្រូវព្យាយាមក្លាយជាមនុស្សដែលស្រលាញ់ការសិក្សា។ ខាងក្រោមនេះជាហេតុផលមួយចំនួនដែលអ្នកគួរស្រឡាញ់ការសិក្សា៖
១) រៀនកាន់តែច្រើន អ្នកកាន់តែខ្លាំង៖ ការរកលុយគឺផ្អែកទាំងស្រុងទៅលើការផ្តល់សេវាកម្មឬការដោះស្រាយបញ្ហានាពេលបច្ចុប្បន្ន។ ការរៀនគឺផ្តល់នូវជំនាញដែលអ្នកត្រូវការដើម្បីជោគជ័យក្នុងជីវិត។ ដូច្នេះហើយ ប្រសិនជាអ្នកចេះកាន់តែច្រើន អ្នកនឹងមានឱកាសជោគជ័យកាន់តែច្រើនផងដែរ។
២) រៀនធ្វើឲ្យអ្នកកាន់តែទាន់សម័យ៖ ការស្វែងរក និង រៀនអ្វីដែលថ្មីនឹងជួយអ្នកឲ្យមានអារម្មណ៍រំភើប ទាន់សម័យ ព្រោះថា អ្នកដឹងថា ពិភពលោកកំពុងដើរដល់ណា ដូច្នេះហើយអាចរៀបចំខ្លួនឲ្យត្រូវនឹងស្ថានភាពជាក់ស្តែង។
៣) រៀនគឺសប្បាយ៖ នៅពេលដែលអ្នកចាប់អារម្មណ៍ទៅលើអ្វីមួយហើយ ការសិក្សាបន្ថែមគឺកាន់តែសប្បាយ។ ជ្រើសរើសមុខវិជ្ជាដែលអ្នកចាប់អារម្មណ៍ឬមុខវិជ្ជាដែលអ្នកឆ្ងល់ អ្នកនឹងភ្ញាក់ផ្អើលនូវដំណើរដែលអ្នកមាន៕
ប្រែសម្រួល៖ អុឹង មុយយូ ប្រភព៖ www.thoughtcatlog.com
