Oppo Find 9 នឹងជាកំពូលស្មាតហ្វូន ២០១៧ ឌីហ្សាញយ៉ាងឡូយ ភ្ជាប់កាមេរ៉ា 21MP/16MP ហើយថ្ម 4100mAh
ថ្មីៗនេះ មានចចាមអារ៉ាមអំពីទូរស័ព្ទស៊េរីថ្មីរបស់ក្រុមហ៊ុន Oppo ម៉ុដែល Find 9 ដែលគេរំពឹងថា នឹងជាកំពូលស្មាតហ្វូនប្រចាំឆ្នាំ២០១៧ ជាមួយការឌីហ្សាញរូបរាងថ្មីប្លែក ទាន់សម័យ ហើយភ្ជាប់កាមេរ៉ា 21MP/16MP អមដោយកម្រិតថ្ម 4100mAh។ Oppo Find 9 នឹងបំពាក់ដោយឈីប Snapdragon 835 SoC មាន RAM 6GB និងមេម៉ូរីម៉ាស៊ីន 128GB។
Oppo Find 9 នឹងបែងចែកជាពីរម៉ូដែល។ ម៉ូដែលមួយទៀត មានសមត្ថភាពមធ្យមដែលអាចបំពាក់ឈីបត្រឹម Snapdragon 653 មាន RAM 4GB និងមេម៉ូរី 64GB។ ថ្មីៗនេះ មានចចាមអារ៉ាមថា ក្រុមហ៊ុនចិន Oppo បានអះអាងលក្ខណៈសម្បត្តិលំអិតនៅលើម៉ូដែលស្មាតហ្វូនទាំងពីរនេះហើយ។ សូមមើលរូបដែលមានបញ្ជាក់លក្ខណៈសម្បត្តិខាងក្រោម។
ប្រភពបានឱ្យដឹងទៀតថា Oppo Find 9 នឹងបំពាក់អេក្រង់ទំហំ ៥,៥អ៊ីញកម្រិត 2K (អាចជា QHD) កាមេរ៉ាក្រោយ/មុខ (21MP/16MP) combo និងមានថាមពលថ្ម 4100mAh។ Oppo Find 9 នឹងជាស្មាតហ្វូនឌីហ្សាញយ៉ាងឡូយ គ្មានស៊ុម ស្រដៀងនឹងការឌីហ្សាញនៅលើ Nubian Z11 ហើយនឹងបំពាក់បច្ចេកវិទ្យា borderless នៅលើ Find 9។ តម្លៃ Opp Find 9 ត្រូវរំពឹងថា នឹងមានចាប់ពី ៣៩៩៩យ័ន ឬប្រហែល ៥៨០ដុល្លារអាមេរិក៕
