ស្រីៗ ប្រហែលជាមិនចាប់អារម្មណ៍ឡើយ ថាប្រុសៗមិនចូលចិត្តឃើញបែបនេះទេ
មនុស្សប្រុសបើគេមិនចូលចិត្តអ្វីមួយហើយ គេមិនហ៊ាននិយាយប្រាប់នារីៗត្រង់ៗទេ ហេតុនេះអ្នកត្រូវរៀនសង្កេតមើល ហើយចងចាំដោយខ្លួនឯង។ នេះជាអ្វីដែលអ្នកគួរដឹង៖
១) មិនចូលចិត្តនារីណាដែលធ្វើខ្លួនឯងតាមនារីដទៃ អត់ប្រយោជន៍ ក្នុងនោះមានការតុបតែងខ្លួន សំលៀកបំពាក់ ឬក៏ការនិយាយស្ដីជាដើម។
២) នារីដែលតុបតែង ឬផាត់មុខមាត់ហួសហេតុពេក ព្រោះថាគេមិនចង់បានសម្រស់ដោយសារការលាបក្រែមម្សៅខ្លាំងពេកទេ មើលទៅគឺវាមិនធម្មជាតិសោះ។
៣) នារីដែលមិនចេះសម្អាតដៃជើងឲ្យបានស្អាតបាត ព្រោះថាមើលទៅគឺមិនអនាម័យទាល់តែសោះ។
៤) មុខមាត់ សិប្បនិម្មិតសឹងតែទាំងអស់ ក៏គេមិនចូលចិត្តដេរ ព្រោះថាអ្នកដទៃ អាចនឹងសើចចំអកដោយសារតែគេមានមិត្តស្រី កែឬវះកាត់សឹងតែទាំងអស់ហើយនោះ។
៥) មិនចេះសម្អាតខ្លួនប្រាណ ព្រោះវាបង្ហាញថានារីម្នាក់នោះគឺជាមនុស្សគ្មានអនាម័យ គ្មានសណ្ដាប់ធ្នាប់ និងមិនចេះស្រឡាញ់ខ្លួន ។
៦) មានពាក្យនិយាយច្រើន គ្រប់ពេល តែពាក្យទាំងនោះ វាគ្មានន័យឬក៏ប្រយោជន៍អ្វីដែលត្រូវស្ដាប់។
៧) តែងតែរឹងរូស ហើយមិនស្ដាប់ពីហេតុផលរបស់អ្នកដទៃ ព្រោះគិតថាខ្លួនត្រូវហើយ។
៨) ឆាប់ខឹង ហើយមិនចាំសួរមូលហេតុពីភាគីម្ខាងទៀតសិននោះទេ តែបែរជាខឹងដាច់ក្បាលដាច់កន្ទុយ គ្មានហេតុផលទៅវិញ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ havingtime.com
