បើចង់ធ្វើអ្វីក៏សម្រេច ធ្វើអ្វីក៏ជោគជ័យ កុំភ្លេចប្រើតិកនិកទាំងនេះឲ្យសោះ!
មនុស្សយើងតែងតែមានសង្ឃឹមថា ចង់បានអ្វីជាច្រើនគ្រប់ៗគ្នា តែទន្ទឹមនឹងនោះ អ្នកប្រាកដជាចង់ដឹងហើយ ថាតើគួរធ្វើយ៉ាងណាដើម្បីឲ្យខ្លួនឆាប់ទទួលបានអ្វីដែលខ្លួនប៉ងប្រាថ្នានោះ។ តើមានអ្វីខ្លះទៅ?
១) អ្នកត្រូវកត់វាទុក៖ បើចង់បានអ្វីមួយឲ្យលេចឡើង ចំពោះមុខអ្នកបាន អ្នកត្រូវកត់វាទុក ហើយមើលឲ្យច្បាស់ថាវានោះជាអ្វីសិន ព្រោះថាអ្វីដែលអ្នកចង់បានវាគ្រាន់តែជាចំណង់តែប៉ុណ្ណោះ ហើយបើអ្នកមិនកត់សិនទេ អ្នកអាចភ្លេចឬមួយប្រែទៅជាអ្វីផ្សេងវិញក៏ថាបាន។
២) គួរមានគម្រោងថាធ្វើអ្វីបន្ទាប់៖ បន្ទាប់ពីកត់ទុកនូវអ្វីដែលអ្នកចង់បានហើយ អ្នកត្រូវ ឧស្សាហ៍រំលឹកវា ហើយចាប់ផ្ដើមសកម្មភាពធ្វើឲ្យវាក្លាយជាការពិតម្ដងបន្តិចៗ ។
៣) ប្ដេជ្ញាធ្វើវាឲ្យជោគជ័យ៖ ដើម្បីទទួលបានអ្វីដែលអ្នកចង់បាន បើគ្រាន់តែមានគម្រោងគឺមិនគ្រប់គ្រាន់ទេ អ្នកគប្បី ប្ដេជ្ញាឲ្យបានច្បាស់។ ជំនួសដោយពាក្យ «ខ្ញុំចង់ធ្វើឲ្យវាជោគជ័យ» អ្នកគួរប្រើ «ខ្ញុំនឹងធ្វើឲ្យវាជោគជ័យឲ្យបាន» ទើបសម។
៤) ជំរុញទឹកចិត្តខ្លួនឯង៖ អាចថាអ្នក នឹងជួបបញ្ហា ពេលនោះកម្លាំងចិត្តអ្នកអាចចុះថមថយដោយសារបញ្ហាច្រើនពេកនៅនឹងមុខ។ តែដើម្បីសម្រេចបានអ្វីដែលចង់បាននោះ អ្នកត្រូវរៀនជំរុញទឹកចិត្តខ្លួនឯងគ្រប់ពេលទើបល្អ។ កុំដោយសារតែបញ្ហាតិចតួច អ្នករារែកក្នុងការដើរទៅមុខនោះ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ havingtime.com
