បើជឿតាមប្រពៃណីចិន កុំធ្វើរឿងទាំង ១១យ៉ាងនេះឱ្យសោះ!
គ្រូមើលហុងស៊ុយដ៏ល្បីឈ្មោះប្រចាំនៅសមាគមន៍ហុងស៊ុយអន្តរជាតិ (International Feng Shui Association) បានរៀបរាប់ពីរឿងដែលមិនគួរធ្វើសម្រាប់ឆ្នាំថ្មីនេះក្នុងថ្ងៃនៃបុណ្យចូលឆ្នាំថ្មីដែលត្រូវនឹងឆ្នាំរកា ធាតុភ្លើង។ បើលោកអ្នកជឿលើប្រពៃណីចិន សូមកុំធ្វើរឿងទាំងអស់នេះឱ្យសោះនេះ៖
១) កុំកាត់សក់ឱ្យសោះ៖ បើចង់បានម៉ូដសក់ថ្មីបែបណាក៏ដោយ សូមកុំកាត់សក់នៅថ្ងៃ ឬសប្ដាហ៍នៃបុណ្យចូលឆ្នាំនេះឱ្យសោះ។ កាត់សក់មានន័យថា កាត់លាភរបស់អ្នកចោល។
២) កុំជេរ ឬវាយគ្នាឱ្យសោះ៖ បើចូលឆ្នាំមកដល់ភ្លាម លោកអ្នកប្រើពាក្យអសុរស ឬពាក្យជេប្រទេចផ្ដាសា ឬឈានដល់ការវាយតប់គ្នានោះ គឺនាំអ្នកឱ្យជួបរឿងស៊យពេញមួយឆ្នាំថ្មីនេះតែម្ដង។ ឪពុកម្ដាយក៏គួរកុំខឹងកូនឈានដល់ការប្រទេចផ្ដាសាឬវាយដំនៅថ្ងៃប្រារព្ធ ឬសែនចិននេះនោះទេ។ អារម្មណ៍ឈឺចាប់ និងការស្រក់ទឹកភ្នែក នឹងធ្វើឱ្យការចាប់ផ្ដើមនៃសមាជិកគ្រួសារមិនល្អ។
៣) ជូតសម្អាតផ្ទះ ឬបោះសំរាមចោលនៅថ្ងៃពិសេសនេះ៖ តាមជំនឿគឺធ្វើឱ្យលាភអ្នករលាយបាត់អស់។
៤) កុំធ្វើឱ្យអ្វីឱ្យបែកឱ្យសោះ៖ ជាលទ្ធផល អាចបណ្ដាលឱ្យបាត់បង់អ្វីមួយ ឬគ្រួសារជួបរឿងមិនល្អនៅថ្ងៃខាងមុខ។
៥) ក្រៅពីជេរប្រទេចកុំនិយាយពាក្យប៉ុន្មាននេះ៖ បែកបាក់ ស្លាប់ ឈឺ បាត់ ឬក្រ។
៦) កុំឱ្យឆ្នាំងបាយគ្មានបាយឱ្យសោះ
៧) ដេកថ្ងៃ៖ នាំឱ្យកើតមានអារម្មណ៍ខ្ជិលច្រអូស។
៨)កុំប្រើរបស់ស្រួចៗដូចជាកាំបិត កន្ត្រី ឬម្ជុលក្នុងរយៈពេលបីថ្ងៃនៃថ្ងៃចូលឆ្នាំចិននេះ។
៩) កុំឱ្យគេខ្ជីលុយ ឬខ្ជីលុយគេ។
១០) ទិញ ឱ្យ ឬធ្វើអ្វីៗដែល មាន «បួន-៤» វាជាលេខមិនល្អព្រោះមានសំឡេកដូចពាក្យថា «ស្លាប់»
១១) កុំឱ្យកាដូដូចជានាឡិកា កន្ត្រី ឆ័ត្រ ស្បែកជើង កញ្ចក់ ដែលអាចនាំស៊យដល់អ្នក៕
