នាវាមុជទឹកវៀតណាមទិញពីរុស្ស៊ីឆ្នាំ២០០៩ យកមកដល់វៀតណាមហើយ
នាវាមុជទឹកប្រើម៉ាស៊ូតទី ៦និងជានាវាចុងក្រោយដែលវៀតណាមកុម្មង់ទិញពីរុស្ស៊ីនៅក្រោមកិច្ចព្រមព្រៀងឆ្នាំ២០០៩ បានបញ្ជូនឱ្យរដ្ឋាភិបាលក្រុងហាណូយហើយកាលពីពេលថ្មីៗនេះ។ នេះបើយោងតាមសេចក្ដីរាយការណ៍ពី Yahoo។
នាវាមុខទឹកនេះមានឈ្មោះថា Varshavyanka ត្រូវបានរចនាឡើងដូច ម៉ូដែល Kilo របស់ក្រុមសម្ព័ន្ធមិត្តណាតូ។ នាវាត្រូវបានបញ្ជូនពីទីក្រុង St. Petersburg របស់រុស្ស៊ីមកកាន់ឆ្នេរ Cam Ranh Bay នៅភាគកណ្ដាលនៃប្រទេសវៀតណាម។
នាវានេះអាចផ្ទុកទម្ងន់បាន ៣៩៥០តោនបើសិនដាក់ពេញ និងអាចពន្លេចខ្លួនបានយ៉ាងស្រួល។ វាមានប្រវែង ៧៤ម៉ែត្រ ដែលអាចបើកក្នុងល្បឿនបានប្រហែល ៤៦គីឡូម៉ែត្រក្នុងមួយម៉ោងនិងអាចបើកបរក្នុងរយៈចម្ងាយពី ១.១ម៉ឺន ទៅ ១.៣ម៉ឺនគីឡូម៉ែត្រ៕
