អតីតបុគ្គលិកFacebookថា បើចង់ធ្វើការនៅក្រុមហ៊ុនFacebook ត្រូវឆ្លងកាត់ការសម្ភាសន៍ជាង១០ដំណាក់កាល
លោក ChRiS Gomersall អ្នកអតីតបុគ្គលិករបស់ក្រុមហ៊ុន Facebook ដោយបម្រើការផ្នែកអ្នកយុទ្ធសាស្ត្រច្នៃប្រឌិត បានថ្លែងថា ការចូលបម្រើការនៅក្រុមហ៊ុនបណ្ដាញសង្គមមួយនេះ មិនមែនជារឿងងាយនោះឡើយ ព្រោះត្រូវឆ្លងកាត់ការសម្ភាសន៍ច្រើនដំណាក់កាលណាស់។ នេះបើយោងតាមការចុះផ្សាយរបស់សារព័ត៌មានCNBC របស់អាមេរិក។
«ខ្ញុំបានឆ្លងកាត់ការសម្ភាសន៍រហូតដល់១៧ដង ទម្រាំជោគជ័យ និង ទទួលបានការងារជាផ្លូវការ»។ នេះបើតាមការបញ្ជាក់របស់ChRiS Gomersall។
អតីតបុគ្គលិកបុគ្គលិករូបនេះ បន្ថែមថា មុនដំបូងលោកស្មានថា ដោយសារតែវាជាមុខដំណែងដែលលោកដាក់ពាក្យទៅនោះ គឺថ្មីក្នុងក្រុមហ៊ុន អ៊ីចឹងហើយបានជា ត្រូវធ្វើការសម្ភាសន៍យូរ ប៉ុន្តែនៅពេលដែលចូលធ្វើការជាផ្លូវការ ទើបដឹងថា អ្នកគ្រប់គ្នាសុទ្ធតែឆ្លងកាត់ដំណាក់កាលប្រហាក់ប្រហែលគ្នា ពោលគឺសុទ្ធតែជាង១០ដង៕
ដោយ៖ រតនា វិចិត្រ
