​​អតីត​ប្រធាន​ប្រតិបត្តិការ​ (COO) របស់​​ក្រុមហ៊ុន​ហិរញ្ញវត្ថុ​ដ៏​ធំ​មួយ​នៅ​អាមេរិក​គឺ​ Goldman Sachs លោក Gary Cohnនឹង​ទទួល​បាន​កញ្ចប់​ថវិកា​​លា​ឈប់​រួម​ទាំង​ប្រាក់​រង្វាន់​​និង​ប្រាក់​ពី​ការ​វិនិយោគ​ពី​ក្រុមហ៊ុន​​​យ៉ាង​ហោច​ណាស់​ ១០០​លាន​ដុល្លារ​ ដោយ​លោក​សម្រេច​ចិត្ត​មក​ជួយ​ការងារ​​​ប្រធានាធិបតី​ថ្មី​ លោក​ត្រាំ។ ​លោក​ Cohn បាន​ថ្លែង​ឱ្យ​សារព័ត៌មាន​អន្តរជាតិ​ដឹង​ថា​ លោក​សម្រេច​ចិត្ត​ចាកចេញ​ពី​ក្រុមហ៊ុន​ដើម្បី​ក្លាយ​ជា​ទី​ប្រឹក្សា​ ​សេដ្ឋកិច្ច​របស់​សេតវិមាន​ ហើយ​លោក​ត្រូវ​បង្ខំ​ចិត្ត​ដើម្បី​​​យក​ភាគហ៊ុន​នៅ​ក្រុមហ៊ុន​ Goldman ជៀស​វាង​មាន​បញ្ហា​ទំនាស់​ផល​ប្រយោជន៍​ណា​មួយ​កើត​ឡើង​ក្រោយ​ពីកាន់​តំណែង​ថ្មី។ សូម​បញ្ជាក់​ថា​ លោក​ Cohn បាន​បំពេញ​ការងារ​រយៈ​ពេល​ ២៦​​ឆ្នាំ​នៅ​ Goldman Sachs ​ហើយ​លោក​មាន​តួនាទី​ធំ​លំដាប់​ទី​ពីរ​បន្ទាប់​ពី​នាយក​ប្រតិបត្តិ​លោក Lloyd Blankfein។ លោក​នឹង​ក្លាយ​ជា​ប្រធាន​ក្រុម​ប្រឹក្សា​សេដ្ឋកិច្ច​ជាតិ​ដែល​មាន​​តួនាទី​​ប្រឹក្សា​ដល់​លោក​ត្រាំ​ លើ​​បញ្ហា​​សេដ្ឋកិច្ច​នៅ​អាមេរិក​ និង​គោលនយោបាយ​សេដ្ឋកិច្ច​សកល៕