កាល​ពី​ថ្ងៃ​ចន្ទ​កន្លង​ទៅ​​ថ្មី​ៗ​នេះ​​ សារព័ត៌មាន​ AP បាន​ចុះ​ផ្សាយ​ថា​ ប៉ុន្មាន​ម៉ោង​នៃ​ថ្ងៃ​ចុង​ក្រោយ​​​មុន​ពេល​លោក​ត្រាំ​ប្រារព្ធ​វិធី​​​ឡើង​កាន់​តំណែង​អតីត​ប្រធានាធិបតី​​ទី​ ៤៤​ លោក​ អូបាម៉ា​ បាន​សម្រេច​បញ្ចេញ​លុយ​ ២២១​លាន​ដុល្លារ​ដល់​អាជ្ញាធរ​ប៉ាឡេស្ទីន។ មូលហេតុ​គឺ​ថា​ ​ថវិកា​ដែល​បញ្ជូន​​ទៅ​អាជ្ញាធរ​នោះ​​ គឺ​ជា​ជំនួយ​របស់​​រដ្ឋាភិបាល​សហព័ន្ធ​ដើម្បី​ជួយ​ដល់​អាជ្ញាធរ​នៅ​ West Bank និង​ Gaza ដែល​ជា​​ចំណែក​បន្ថែម​​​នៃ​​​​ថវិកា​សរុប​ជំនួយ​​​​ប្រមាណ ៣៥៥​លាន​ដុល្លារ​នៅ​ឆ្នាំ​២០១៥ [មាន​ន័យ​ថា​ បន្ថែម​ ២២១​លាន​ដុល្លារ​​ពី​លើ​ថវិកា​ប្រមាណ​​ ៣៥៥​លាន​ដុល្លារ]។ ការ​សម្រេច​ចិត្ត​​​នោះ​ទៀត​​សោត​ គឺ​​មាន​វត្តមាន​សមាជិក​សភា​​មក​ពី​​គណបក្ស​សាធារណៈរដ្ឋ​ដែល​បានជំទាស់​លើ​ការ​សម្រេច​ចិត្ត​របស់​សភា​ដែរ​គឺ​មាន​ ​​លោក ​Royce ​​តំណាង​នៅ​រដ្ឋ​កាលីហ្វ័រញ៉ា​ និង​​លោក​ Kay Granger ​តំណាង​នៅ​រដ្ឋ​តិចសាស។ ​​​​​​ក្រុម​អ្នក​វិភាគ​បាន​លើក​ឡើង​ថា​ ​នេះ​ជា​ព័ត៌មាន​​គួរ​ឱ្យ​ភ្ញាក់​ផ្អើល​មែន​ទែន​ ហើយ​​ថវិកា​នោះ​គឺ​ធ្វើ​ឡើង​តាម​រយៈ​អង្គការ​ USAID សម្រាប់​គាំទ្រ​ជំនួយ​មនុស្សធម៌​ កំណែ​ទម្រង់​នយោបាយ​ និង​សន្តិសុខ។ ​អ្នក​វិភាគ​ក៏​បាន​ឱ្យ​ដឹង​បន្ថែម​ទៀត​ថា​ រដ្ឋាភិបាល​ប៉ាឡេស្ទីន​​ក្រោម​ការ​ដឹក​នាំ​របស់​លោកប្រធានាធិបតី​​ Mahmoud Abbas ​គឺ​មាន​អំពើ​ពុក​រលួយ​ខ្លាំង៕​