កាល​ពី​ថ្ងៃ​អាទិត្យ​ម្សិលមិញ​ ក្រុមហ៊ុន​ Samsung បាន​ចេញ​របាយការណ៍​ផ្លូវ​ការ​ដែល​បង្ហាញ​មូលហេតុ​ពិត​ប្រាកដ​នាំ​ឱ្យ​​ទូរស័ព្ទ​ Galaxy Note 7 មួយ​ចំនួន​​ឡើង​កម្ដៅ​ និង​ផ្ទុះ។​ ​តាម​​របាយការណ៍​ពី​ក្រុមហ៊ុន​ដដែល​ បាន​ឱ្យ​ដឹង​ថា​ ​ថ្ម​មាន​បញ្ហា​ពីរ​ចំណុច​ធំ​ៗ​ដែល​បណ្ដាល​ឱ្យ​ Note 7 ​ឡើង​កម្ដៅ​ខ្លាំង​ និង​ធ្វើ​ឱ្យ​ផ្ទុះ​តែ​ម្ដង។ បញ្ហា​មួយ​ដែល​កើត​ឡើង​ភាគ​ច្រើន​នៅ​លើ​ទូរស័ព្ទ​ដែល​ចេញ​កាល​ពី​រដូវ​ស្លឹក​ឈើ​ជ្រុះ ​គឺ​ថ្ម​​មាន​ទំហំ​​ធំ​ពេក​​ប៉ះពាល់​ដល់​សម្បក​ទូរស័ព្ទ​ និង​ធ្វើ​ឱ្យ​ទូរស័ព្ទ​ឡើង​កម្ដៅ។ បន្ទាប់​ពី​ប្រមូល​ទូរស័ព្ទ​មក​វិញ Samsung បាន​​បញ្ញេញ​ស៊េរី​ថ្មី​ដែល​ថ្ម​មាន​ការ​ផ្គត់ផ្គង់​ដោយ​ក្រុមហ៊ុន​ដៃ​គូ​ផ្សេងៗ​គ្នា ប៉ុន្តែ​ដោយ​សារ​តែ​ក្រុមហ៊ុន​ប្រញ៉ាប់​ចេញ​លក់​នៅ​លើ​ទីផ្សារ​ពេក​ធ្វើ​ឱ្យ​បញ្ហា​ថ្ម​ឆាប់​ឡើង​កម្ដៅ​តែ​ម្ដង។​