ដំបូន្មានសំខាន់មួយពីមហាសេដ្ឋីអាមេរិកលោក Mark Cuban ដើម្បីរកស៊ីជោគជ័យនោះគឺ «កុំផ្អើលតាមហ្វូង»
លោក Mark Cubanគឺជាមហាសេដ្ឋីរបស់អាមេរិក ហើយត្រូវបានគេចាត់ទុកថា ជាបុគ្គលជោគជ័យមួយរូបក្នុងមុខជំនួញ។ លោកបានផ្ដល់ដំបូន្មានមួយដល់មនុស្សទាំងឡាយដែលចង់ធ្វើជំនួញ ឬ ចង់ជោគជ័យក្នុងជីវិត ដោយឡើងឡើងដូច្នេះថា៖ «ប្រសិនបើអ្នកឃើញមនុស្ស១០០០នាក់ធ្វើរឿងតែមួយ ហេតុអ្វីអ្នកចង់ក្លាយជាមនុស្សទី១០០១»។
ក្នុងន័យនេះ លោកចង់ដាស់តឿនដល់មនុស្សទាំងឡាយដែលចង់ជោគជ័យក្នុងជីវិត គឺមិនត្រូវធ្វើអ្វីដែលផ្អើលតាមហ្វូង ឬ ផ្អើលតាមគ្នានោះទេ។ ការព្យាយាមធ្វើតាមអ្នកដទៃ ទាំងវាមិនមែនជាអ្វីដែលខ្លួនអាចធ្វើបានផងនោះ គឺជារឿងមួយដែលដើរបញ្ចៀសពីផ្លូវទៅរកភាពជោគជ័យ។
អ្វីដែលសំខាន់បំផុតនោះ គឺត្រូវច្នៃប្រឌិត ឬ ធ្វើអ្វីដែលថ្មី និង ប្លែកពីគេ ពោលគឺត្រូវបង្កើតឲ្យភាពភាពលេចធ្លោ ទើបអាចជោគជ័យបាន។ ប៉ុន្តែបើអ្នកកំពុងព្យាយាមធ្វើអ្វីដែលមានមនុស្សជាច្រើនកំពុងធ្វើហើយ វាហាក់ដូចជា ជម្រើសដែលមិនគួរជ្រើសរើស៕
ដោយ៖ រតនា វិចិត្រ
