វិធីទាំង ៣យ៉ាងដែលជួយអ្នកមើលទៅកាន់តែឆ្លាតជាងមុន
គ្មាននរណាម្នាក់ចង់ឲ្យគេមើលទៅ ដូចជាមនុស្សល្ងង់នោះទេ។ យើងរាល់គ្នាសុទ្ធតែព្យាយាមធ្វើយ៉ាងណាឲ្យខ្លួនឯងមើលទៅ ដូចជាមនុស្សឆ្លាត។ តើអ្នកធ្លាប់ដឹងទេថាមានវិធីខ្លះអាចជួយអ្នកឲ្យគេមើលទៅឆ្លាតជាងមុន?
១) ពាក់វ៉ែនតា៖ ប្រសិនជាអ្នកទៅសម្ភាសការងារ រវាងពាក់វ៉ែនតានិងអត់ពាក់វ៉ែនតា អ្នកគួរតែពាក់វ៉ែនតាល្អជាង។ តាមការសិក្សាបានរកឃើញថា ការពាក់វ៉ែនតាធ្វើឲ្យគេយល់ឃើញថា អ្នកមានចំណេះដឹងខ្ពស់ជាង។
២) ការញ៉ាំទឹក៖ មិនថាអ្នកហៅទឹកនៅកន្លែងការងារឬទីកន្លែងណានោះទេ អ្នកគួរតែហៅទឹកសូដាជាជាងស្រាបៀ។ ការកាន់ស្រាបៀនឹងធ្វើឲ្យអ្នកជាមនុស្សដែលមិនមានចំណេះដឹងឫជាមនុស្សប្រមឹក។
៣) មើលមនុស្សពេលកំពុងនិយាយ៖ ដើម្បីលក់គំនិតដែលអ្នកមាន អ្នកត្រូវមើលភ្នែកអ្នកស្តាប់នៅពេលដែលអ្នកកំពុងនិយាយ។ ការមើលទៅកាន់មនុស្សធ្វើឲ្យអ្នកមើលទៅជាមនុស្សពូកែក្នុងកិច្ចសន្ទនា៕
ប្រែសម្រួល៖អុឹង មុយយូ ប្រភព៖www.cheatsheet.com
