ដឹងថានៅថ្ងៃកាន់តំណែងដំបូង ត្រាំធ្វើអ្វីមុនគេទេ?
ចាប់តាំងពីបានជាប់ជាប្រធានាធិបតី លោកត្រាំបានរិះគន់ភ្នាក់ងារស៊ើបការសម្ងាត់អាមេរិក CIA យ៉ាងសន្ធឹក ប៉ុន្តែសម្រាប់ថ្ងៃកាន់តំណែងដំបូងរបស់លោក គឺលោកចង់ទៅទស្សនកិច្ចនៅទីស្នាក់ការ CIA តែម្ដង។
ការអះអាងបែបនេះ គឺធ្វើឡើងដោយមន្ត្រីជាន់ខ្ពស់ម្នាក់ដែលសុំមិនបញ្ចេញឈ្មោះ។ ការធ្វើដំណើរទៅទស្សនកិច្ចលើកនេះគឺដើម្បីចូលរួមជាមួយលោក Mike Pompeo ស្បថចូលកាន់តំណែងជាប្រធានថ្មី CIA។
សូមបញ្ជាក់ថា បន្ទាប់ពីលោកជាប់ឈ្មោះជាប្រធានាធិបតីមក លោកបានរិះគន់ដល់ភ្នាក់ងារស៊ើបការសម្ងាត់ក្រោមការដឹកនាំរបស់ប្រធានចាស់លោក John Brennan យ៉ាងចាស់ដៃ៕
